嫁得過!4點睇出佢係好老公

by 韋寶,圖片來源:《屍殺列車》劇照

《屍殺列車》入面嘅大叔(馬東錫飾),心地好得嚟仲係超級愛妻號,如果你遇到以下性格嘅男生,就唔好錯過喇!
(註:以下內容含劇透)

1.唔記仇、無報復心態
雖然男主角(劉孔飾)差啲害死大叔兩夫婦,但係大叔喺劉孔差啲俾喪屍咬死時,佢並無乘機報復,而且喺危急關頭都選擇救劉孔一命。

唔記仇、無報復心態呢下好緊要,試諗下兩個人一齊,如果下下吵架時,對方都將以前嘅嘢拎返出嚟講,係有幾攞命,所以一個唔記仇,懂得原諒人嘅男人,係好老公人選呀!

2.體貼
叫得大叔做愛妻號,當然有原因!小編好記得佢老婆(鄭有美飾)去廁所嗰時,佢叫孔劉囡囡去下一卡嘅廁所,等老婆唔使急住出嚟,小女孩又唔使等咁耐。同埋佢開口請人讓座俾大肚嘅老婆,都睇得出佢好體貼、好照顧自己嘅太太。

3.心地好、唔自私
大叔非常好人,除咗照顧自己老婆,仲出手救劉孔同佢囡囡。
一個心地好、善良嘅人,會懂得照顧別人嘅感受,而且唔會故意去傷害你。呢點好緊要,因為一個自私嘅人,永遠無法理解人哋嘅想法同感受,甚至嘗試去理解都唔會架!

4.安全感
大叔大隻得嚟又好打得,超級man,加上以上所講嘅性格,令人覺得佢好可靠,仲好有安全感添!

LOAD MORE