提高效率!4招學會能量管理

By COSMO

成日聽講要提高做事效率就要管理好時間,近年就有人提倡用另一種管理技術(資源分配),就係管理能量,去提高效率。除咗點用啲能量之外,同樣重要嘅係點樣幫自己恢復過嚟,然後再衝過!

心理學家兼<The Power of Full Engagement>其中一位作者Jim Loehr提出,「我哋無沒辦法延長時間,但係可以有力擴展能量庫。」
能量可分為以下4類,要學會管理好佢哋,先可以喺佢哋度取得能量:

1. 精神能量:先諗咗個人最高目標先,例如你想幫人,或者想做個出色嘅創作人,可以嘗試盡量將呢個宗旨放喺你每日要做嘅事之上。

意思即係要入戲,每件事都盡量圍繞住呢個中心點出發。遇到有意義嘅任務,就會特別落力去做。

2. 情緒能量:呢個能量好吊詭,因為抑鬱、恐懼、焦慮等情緒都會阻礙精神能量同心理能量發揮!

要正面引導情緒,提醒自己感恩、珍惜,要用正面思維面對所有事,例如同自己講:「我做得到」去取代「我應該得嘅&hellip;&hellip;」。

3. 心理能量:諗下自己每日/每星期,有邊啲時間/邊啲日子狀態最fit,將需要勁用腦細胞嘅大事放喺呢啲黃金時段去做。除咗可以更快完成任務,成功感多啲,自然沮喪都少啲。

4. 身體能量:呢個好簡單,人人都知,就係要食得健康、多運動、多休息。幾忙都要食嘢,食個生果、雞肉沙律、或者一塊全麥麵包都好,都可以提供能量俾身體,如果唔係個腦根本諗唔到嘢。

就算無時間去跑步做gym,都要行下、做下伸展運動,咁先帶到氧氣俾啲細胞,唔係個人會好易覺得攰,至於休息就更加唔使講啦。

LOAD MORE