影響健康!3個被忽略的洗手間衛生問題

by lulu. T

女生去洗手間嘅時間總係比男生長,因為女生喺洗手間裏面除咗解決大小事,仲會化妝補妝、梳頭,喺鏡前左照右照;又或者喺自己屋企廁所入面刷牙、化妝。但原來洗手間好潮濕,又係細菌嘅溫床,所以當我哋留喺洗手間嘅時候,有啲習慣要注意吓!

01. 浴簾:如果發現浴室/浴缸發霉,可能係浴簾惹的禍。因為黴菌最鍾意生活喺陰暗潮濕嘅地方,假如浴簾長時間遮住浴室/浴缸,好容易就會發霉。

所以沖完涼最好順手拉開浴簾,打開抽氣扇,令浴室空氣流通,保持乾爽。

02.牙刷毛巾:馬桶內嘅瞬間氣旋最高可以將病菌或微生物帶到6米高嘅空中,並懸浮喺空氣中長達幾小時,繼而落在喺牆壁同浴室任何物件上。

所以,牙刷最好放入抽屜或櫃中,毛巾就最好掛喺廁所外。

03. 沖廁:沖廁嘅時候,細菌會趁機進入空氣中,所以最好習慣先放低馬桶蓋再沖廁,甚至長期放下馬桶蓋,確保衛生。

LOAD MORE