3種注定沒結果的戀愛對象!

By COSMO

有三種戀愛模式,即使開咗花都未必結到果,而身邊總有兩三個咁樣嘅故事,假如俾你遇到,你仲會冒險嗎?

1. 朝夕相對而生愛
你同對方合作某個project,成日一齊開OT,於是你覺得愛上咗對方……

短暫嘅朝夕相對,係指喺特殊情況下被湊埋一齊,並唔係常規情況,喺呢種情況下擦出嘅感覺火花有時未必真實,因為短時間嘅相處,未必足夠令你完全了解對方嘅個性。

2. 因崇拜而結合
大學生愛上教授、秘書愛上老闆……愛上所崇拜嘅對象,呢種感情好難維持正常。會愛上所崇拜對象嘅人,通常自信心低落,呢種態度往往令兩人之間無法平等對待。

愛情裏男女雙方必須要平等,唔係指地位,而係態度,一方過度崇拜另一方,難以建立健康嘅關係。

3. 為咗反叛而揀嘅人
父母成日同你強調,要搵個事業有成、穩重etc.嘅人對象,偏偏你每個男朋友都係窮光蛋;從小父母就對你管教嚴格,偏偏你每個男朋友都好浪蕩……

如果你所選嘅對象成日令父母好激氣,好可能你只係想反叛,想證明某啲嘢嚟反擊,咁你未必係真心愛對方。

LOAD MORE