兩個世界嘅人,點可以走埋一齊?

By COSMO

究竟兩個背景、興趣、生活圈子,甚至價值觀都好大距離嘅人喺埋一齊,係互補不足、完美結合,定係火星撞地球?

身邊確係有唔少睇落大纜都拉唔埋嘅couple,但偏偏佢哋又出奇地相處到,堪稱係一凹一凸嘅完美示範,其實work唔work,好睇兩個當事人有無具備某啲元素:

1. 喜歡冒險
要同一個同自己幾乎好似活喺平衡時空嘅人開始感情,當然要有啲冒險精神,而如果咁啱對方都願意走出自己嘅comfort zone,咁就容易click到啦!

2. 強烈好奇心
有啲人對「其他世界」特別有興趣,如果同咗個「外星人」一齊,就可以滿足到佢哋嘅好奇心!

未知,本來就有住一種吸引力。由於來自「外星」嘅佢樣樣嘢都同你唔同,同佢一齊,就好似日日喺度試新嘢咁,就算係偶然搵到彼此間嘅共通點,都會好似發現新大陸咁興奮。

3. 追求自我發現
大家意見成日都唔同,未必係只得火藥味嘅,當中仲會有唔少激情喺度,激情本身已經有住一份吸引力。

而且由於兩個人不時都要向對方講出自己嘅諗法、感受、心路靈程,喺呢個過程之中,除咗俾對方明白自己,仲可以令自己了解自己更多。

LOAD MORE