缺乏性空間?6大小情人開房攻略

By COSMO

土地問題,有啲朋友同屋企人住,連自己間房都無,就算有,間房係完全唔隔音,分分鐘就咁講嘢都聽得清清楚楚。有時想請情人回家一聚,情到濃時,十分尷尬。如果想出去租房,以解決生活空間、性空間不足嘅問題,就不妨睇睇以下嘅開房小貼士:
其他精彩文章 : 開房注意!6大酒店衛生黑點

1. 即時報價App:而家有啲酒店即時報價App,唔係時租嗰啲,係一般俾旅客訂嗰啲,由於佢哋每日訂房嘅人數唔定,不時喺啲淡季會做即時減價,平到半價都有,價錢隨時同時租酒店差唔遠,不妨考慮。

2. 時限:一般為2 hrs,門口櫃枱會問你過唔過夜,過夜價錢高啲。

唔想响時租酒店大堂同阿姐交流咁耐的話,最好事先同伴侶商量好,同埋帶定現金,免得到時兩個喺度摷銀包夾錢......(唔係度度有得簽卡嘅。)

2. 時段:時租酒店都有繁忙時段,例如周末晚上,有時仲會full house,去到要排隊等,唔想同其他人一齊坐喺度你眼望我眼,最好事先打電話去問下有無房先,或者揀啲非繁忙時段去,價錢又平啲。

3.選址:除咗環境衛生、有無浴缸、有無鏡呢啲硬件問題要關心之外,選址對個人心理都好重要,你想就腳啲?定怕俾熟人撞到,寧願去遠少少?

有啲時租酒店開喺繁忙鬧市中,亦有啲位置較僻靜,或設有前後街出入口,方便客人出入,當睇樓咁留意下呢啲細節,睇下自己幫襯邊間最少心理負擔。

5. 口碑:唔敢亂試,怕出洋相,最穩陣就梗係請同是天涯淪落人嘅朋友俾啲意見啦!

6. 而家有啲提供相關資訊嘅App同網站,不妨參考。

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE