知多啲!關於乳頭的二三事

by juju

我哋通常比較留意乳房嘅常識、資訊,但係對乳頭又知道幾多呢?

1. 乳暈上嘅點點:其實係一啲腺體,佢同乳頭都有可能會有少少分泌物,即使你唔係懷孕,但如果啲分泌物忽然多咗,或帶血,或者只係一邊有一邉無,就要見醫生喇!

2. 獨特大小/顏色/形狀:乳頭嘅形狀、大小、顏色有好多唔同款,有大有細、有深有淺、有啡色有粉紅色,無話點樣為之標準。

乳暈嘅情況都係差不多,只要佢哋無突然變化,就唔使擔心健康出現問題;而懷孕期間,佢哋係會有啲改變嘅,到時可以同醫護人員了解清楚。

3. 內向的乳頭:有啲乳頭係凸出嘅,有啲係向裏面凹嘅,就好似肚臍咁,有啲係凹,有啲係凸 ,只要佢無咩特別改變,都屬正常 。

4. 穿乳環:穿之前要了解清楚程序同後果,通常穿完要3至6個月甚至更耐,個傷口先可以完全癒合,期間要小心保護,避免細菌感染,亦要避免俾人舔乳頭。

而乳環同穿耳窿一樣,都係有可能個窿會生返埋,所以初期穿咗入去嘅飾物係唔適宜隨便換架。同埋一定要搵合資格同有信譽嘅專門人員整呀!

5. 有毛:都唔係健康問題嚟嘅,好介意嘅話,可以除咗佢,不過小心啲,唔好整親自己呀!
<精彩文章> 5個保養乳房妙法!

6. 人人都有:每個胎兒喺媽媽子宮裏面嘅時候已經發展出乳頭,比其他性器官如陰道、卵巢、睪丸、陰莖等還要早呢。

CG! reminds you:如果乳頭、乳葷有異樣,例如出現硬塊、一向都係凸,但變咗向內凹、有異常分泌,就要去見醫生了解下。

LOAD MORE