入面除咗cafe,仲有茶室,以及外賣蛋糕同茶嘅area。

呢間茶室 x cafe放滿植物,設計明顯過心思,原來係Shadow自己設計,連食物嘅擺碟佢都親力親為,足足咗9個月去籌備店內嘅一事一物。

當中最吸晴嘅,一定係外賣蛋糕櫃入面嘅蛋糕,蛋糕設有四吋同六吋,每款分別以歐洲入口嘅米紙、歐洲食用同真嘅玫瑰等去裝飾。

由於蛋糕用咗大量日本蛋白製作,加上以海藻糖代替白糖,所以甜度較低,亦較健康。蛋糕嘅用料亦靚,好似忌廉,係選用法國嘅。

呢個荔枝玫瑰紅莓雪芳蛋糕 $228/$450,上面嗰朵係鮮(玫瑰)嚟。

黑加侖子藍莓雪芳蛋糕 $178/$420以新鮮藍莓同黑加侖子啫喱組成。

和風茶香雪芳蛋糕 $168/$400選用宇治抹茶製造。

呢個森林雜莓雪芳蛋糕伴永生水晶球 $380(2-3人用)人人見到都嘩一聲,上面係保鮮水晶球,可以擺放3年,而下層係森林雜莓雪芳蛋糕。

蛋糕伴永生水晶球係人氣之選,食完個蛋糕仲可以帶走埋個水晶球!

Macaroon Garden $228/$450
以洛神啫喱配上紅莓果醬,至於macaroon係玫瑰橙香茶味,上面美美嘅就係米紙啦!

蕃茄羅勒macaroon+鵝肝macaroon,擺碟靚到好似個園咁!

想堂食美美嘅蛋糕,可以揀森林雜莓雪芳蛋糕套餐 $238,呢個餐配飲品兩杯,可選sp茗茶、咖啡,檸水及伯爵茶等。

堂食仲可以揀窩夫,好似呢個Tropical Fruit Waffle $98,入面有蕉糖香蕉、有機穀麥脆粒、芒果熱情果汁、肉桂條同雲呢拿雪糕。除咗甜窩夫,亦有鹹窩夫供應。此外,仲有pancake、沙律及all day breakfast等美食架!

話明係茶室,當然有茶供應啦,好似呢款就係玫瑰果茶($68),另外仲有南非藍莓茶、果香薑茶、雲呢拿煎茶等選擇。

想買啲茶返去慢慢歎?蛋糕櫃對出就係賣茶嘅area,主要售賣歐洲香草茶同台灣烏龍茶。

SP Flower & Tea Room
地址:尖沙咀麼地道66號尖沙咀中心地下G64-66號舖

LOAD MORE