布甸狗下午茶!Pompompurin Café香港特別版High Tea Set

by TEXT & PHOTO:P

肥嘟嘟嘅布甸狗可愛度爆晒登,香港嘅布甸狗café亦係唔少女生必去嘅打卡點,最近就又多一個理由,帶埋朋友仔去喇,因為Pompompurin Café推出咗香港特別版下午茶,賣相100分架!

全新英式布甸狗下午茶係二人份量嘅,共6款食物,包括3款鹹點,同埋3款甜點,仲包兩杯$39以下嘅飲品,份量十足架!(價錢:$289) 

布甸狗特式漢堡,一人半個嘅牛肉漢堡造型趣致,夾埋芝士、番茄同菜,味道唔錯喎。

另外鹹點仲有布甸狗火腿春卷,春卷包住火腿、青爪、菜絲,好有口感,仲好清新。

韓式炸雞翼,炸粉唔會太多,一分為二嘅雞翼方便入口,夠惹味。

甜點就有呢款賣相好可愛嘅布甸狗大福,糯米皮夠煙韌,包住甜甜嘅紅豆蓉。

Love Love蛋撻係Pompompurin Café嘅人氣品,超級得意嘅造型,令人唔捨得食啊!

小蛋糕配棉花糖,軟棉棉嘅棉花糖印上布甸狗嘅萌樣,甜入心呢。

下午茶餐仲配有兩杯$39以下嘅飲品,可自行揀選凍飲或熱飲。

食完tea記得要同布甸狗影selfie啊,布甸狗café內有好多得意嘅影杷靚位架!

布甸狗High Tea Set將會由即日起,於星期一至五(公衆假期除外),上午11時至下午6時供應。

地址:銅鑼灣軒尼詩道525號澳門逸園中心B1F

LOAD MORE