香港有啦! 我的合味道工作坊 + 全球首個出前一丁工作坊

by 韋寶



唔少人都對出前一丁同合味道有情意結,好似小編咁,壓力大嘅時候總會好想食,而每次食完感覺都好滿足,所以之前去大阪,小編就去咗即食麵發明紀念館度整一個獨一無二嘅合味道杯麵,有得玩又有得食,好消息係而家喺香港都有啦!而且仲有全球首個「出前一丁工作坊」添呀!



喺「出前一丁工作坊」 入面,你可以感受由搓揉麵粉到切麵、使用「瞬間熱油乾燥法」炸乾麵團,到包裝設計及製作嘅過程,聽見已經覺得好好玩啦!



你仲可以喺出前一丁嘅包裝上畫畫,夠晒獨一無二呀!整個工作坊需時約90分鐘,兩個人一組嘅。




此外,日清之前每年都會喺香港舉辦「我的合味道工作坊」,而家呢個工作坊會常設喺香港!



你可以喺配料區從4種湯底和12款配料入面,揀1款湯底同4款配料,職員會立即為杯麵封蓋。



整個工作坊需時約30分鐘,期間你同樣可以發揮創意,喺杯身上畫上自己鍾意嘅圖案呀!



工作坊將於2016年11月30日下午3時正正式開放予公眾,詳情如下:



「我的合味道工作坊」



門票價錢:港幣30元正
開放時間(星期一至五) :

早上11時至下午6時30分(每日共15場,逢星期三休息)

開放時間(假日) :

早上10時至下午6時30分(每日共17場,逢星期三休息)

資料詳情及購買方法:網上及現場購買均可,額滿即止

「出前一丁工作坊」




門票價錢:港幣50元正

開放時間(平日及假日) :早上11時至下午6時正(每日共3場,逢星期三休息)

資料詳情及購買方法:網上及現場購買均可,額滿即止

地點: 香港國際機場二號客運大樓童夢城通識學園

LOAD MORE