對方有口氣?4招婉轉提醒佢

by juju

同人傾嘢,如果遇上對方有口氣,真係有啲濕滯,你又唔可以唔傾,但傾落去又會無心機,而且唔多唔少都會影響你嘅集中力,繼而影響工作效率,直接講又尷尬,忍住又唔係辦法⋯⋯以下幾招希望幫到你。

口氣, 朋友 口氣, 口氣 解決, 朋友 問題, 口氣 問題

除非你同對方熟到不得了,如果唔係真係唔係幾方便直接指出問題,而且通常有口氣者本身唔知自己有呢個問題,一啲間接啲、婉轉啲嘅方法應該會令大家都舒服啲。

口氣, 朋友 口氣, 口氣 解決, 朋友 問題, 口氣 問題

1. 派香口膠:你唔會知道幾時、邊個會突然有口氣(對方可能啱啱食咗蒜頭),隨身帶住一包香口膠係上策,先自己食一粒,然後傳開去開心share,咁就最自然啦!

口氣, 朋友 口氣, 口氣 解決, 朋友 問題, 口氣 問題

2. 扮自己有:不妨先「抹黑」自己,開玩笑咁同對方講你呢幾日捱夜,個人好燥熱、有口氣,然後好自然咁分享或一齊研究下用邊啲產品,或者有咩天然療法幫到手,引起對方對呢方面嘅關注。

口氣, 朋友 口氣, 口氣 解決, 朋友 問題, 口氣 問題

3. 扮分享有用資訊:方法同上面嗰個差唔多,不過就唔係扮自認有口氣問題,而係喺網上搜尋相關資料,然後好似發現新大陸咁同對方分享呢個世紀重要資訊,引起關注。例如可以share呢篇文俾佢: 4個減輕口氣嘅方法

口氣, 朋友 口氣, 口氣 解決, 朋友 問題, 口氣 問題

4. 提醒佢見牙醫:如果你知對方有買牙醫醫療保險,提佢記得定期去檢查、洗牙,以關心佢荷包「唔好蝕」嚟做包裝。

口氣, 朋友 口氣, 口氣 解決, 朋友 問題, 口氣 問題

又或者你自己去洗完牙,見到佢就係咁炫耀你啲牙洗完幾白幾靚,以提起佢都去下嘅興趣。咁佢定期有見牙醫,醫生自然會提醒佢點樣保健口腔同牙齒。

LOAD MORE