機心很重!5招認出虛偽女

by juju

作為女生,久唔久喺唔同群體裏面都會撞到一啲好假好虛偽嘅女仔,佢哋表面上好似好善良好柔弱,其實係利用呢啲表面嘢去掩飾,同攞盡身邊人嘅好處,同佢哋「交流」,要小心提防,免受傷害!

虛偽女5大特質

1. 天真VS野心

佢哋平時通常都一副天真瀾漫樣,有時甚至楚楚可憐,「唔知喔~~」 、「係咩?」、「你好叻呀~~」係佢哋嘅口禪,但係當你留意返佢哋喺工作上嘅成就或生活質素,通常都唔會好似平凡打工妹咁。

2. 包裝 & Make Noise

佢哋了解自己有咩優勢同弱點,亦識包裝自己,佢哋會毫不吝嗇咁表現個人才華去顯得與眾不同,唔會好似宅女咁收收埋埋或只係默默耕耘,佢哋總係要make啲noise,就算搵拍檔,佢哋都唔會搵個搶佢風芒嘅人。

3. 飄忽

相處得多,你會發現佢哋個性、愛好、行為等時有出入,好難觸摸。而事實上唔俾人睇穿就係佢哋想做到嘅效果。

4. 形象工程

佢自己講過嘅同一件事都有唔同版本,你就要提高警覺!因為佢哋習慣做每件事都係去塑造個人image。

5. 感情關係複雜

佢哋身邊好多兵chit chat咁轉,但佢都宣稱只係朋友。而事實上佢哋亦好少維持到穩定健康嘅關係,因為佢哋最愛嘅只有自己。


3大應付策略

1. 保持距離

虛偽女比bitchy女可能更難對付,因為bitchy女都已經將啲嘢寫晒喺臉上,但虛偽女好叻偽裝,你一唔小心得罪咗佢,佢一副委屈無辜,而你就百詞莫辯,如果自問唔係一個計較嘅人,同佢哋最好保持距離,反正本來就道不同不相為謀。

2. 接近正能量

同多啲正能量嘅朋友hangout,大家嘅好氣場會係最佳保護罩。

3. 平常心

有啲情況避無可避,做自己就好,對自己真誠已經足夠,對虛偽女講嘅嘢唔使認真同上心,反正佢唔係佢,佢只係佢自己幻想出嚟嘅一個角色。

LOAD MORE