鄺俊宇:若不打算認真,何必要來打擾?

By COSMO

嗨,我近幾日有個困擾⋯

我識咗個男仔,佢之前喺Facebook收件箱同我講生日快樂,我無睇到信息所以一直無理,不過最近1個月前,佢又inbox嗨我,咁我就有覆佢,之後大家傾幾句,佢就問我拎電話同佢WhatsApp。

傾咗一排後,佢約我睇戲,我第一次話無時間,佢即刻又約我第二日,我覺得佢似好趕咁約我,好想快啲見到我咁。

咁我應承佢,一齊出嚟食飯睇戲,都係佢比錢,我話比返佢,佢話唔使,我話下次請返佢,佢話唔洗客氣,我知佢仲有套戲睇,我主動話我請返佢睇,佢又話已經約咗朋友睇,之後嘅信息都好冷淡,後來我主動問佢情人節有無約人,佢話有……

其實之後我哋已經無再信message,就算我message佢,佢都係第二日先覆。

佢係咪見完我一次,覺得我唔適合就唔想理我,但我對佢有意思,點做好?

致有困擾的女孩 :

若不打算認真,何必要來打擾?愛情不是試水溫的遊戲,喜歡時就走近,不喜歡時就疏遠,這還會是認真的愛情嗎?他偶爾的一個訊息,成本實在低得不能再低了,在妳看不見的時候,他不知道傳了多少個同樣的訊息給不同的誰,像撒網捕魚,而妳可能只是其中一位給打撈了的人。

若他真的喜歡你,他又怎會偶爾才來走近你?這種行為也蠻討厭,走近過而撥動了你心跳,然後忽然就消失了,再然後又忽然走回來關心你,天啊,他或許覺得很好玩,但可有想過這裡有人會認真的等他?起碼女孩會忐忑,忐忑他是喜歡自己嗎?若喜歡,又如何解讀他漫不經心的表現?

答案其實你就知道了,只是你連自己都騙了吧?他只是一個剛寂寞的人,再遇上剛寂寞的你,曾偶爾的走近,令你以為幸福來臨了,可是他根本沒有太用心放在你身上,到他不寂寞的時候,自然也就忘記了你。

所以,為這種人而忐忑不安,實在不值得,你有太多應該做的事,應該忙的事,實在不值得為這個人再費神。

下一次再忽然來訊,不用回覆了,因為不回覆,也是一種回覆。


祝君好。

鄺俊宇

鄺俊宇

喜歡文字的議員男生,以「樹洞」之名,細聽城市的愛情,著有《愛你,若只如初見》,《有一種幸福叫忘記》,兩作品輪流登暢銷榜首名。

如果你遇到任何愛情上的疑難,都歡迎e-mail到 editorial@cosmogirl.com.hk(Subject: Ask CG!),愛情專家團隊會於CosmoGIRL!為你解答!

LOAD MORE