喺路上偶然咁遇到前度,點做好?

by juju

無端端撞到,無論同對方講啲乜,事後總係會覺得有啲白痴,呢種感覺主要來自太突然、無準備。雖然個個ex都唔同,但撞到時講嗰啲嘢其實都係差唔多,只要自己stay calm唔失儀就good!



既然喺路上偶然咁撞到,避開都可能樣衰架,如果近距離俾對方見到你鬼鼠避開...不如大方面對,速戰速決,好過之後多嘢諗。

4大反應措施



1. 對話精簡

保持一般友好度(例如當佢係公司隔離部門、大家認得但又無乜交流嗰種),對話精簡,就可避免越講越離題或dead air嘅尷尬。

2. 自然表現

表現自然,傾偈時腰板膊頭挺直,唔好分心去諗自己個頭亂唔亂,亦唔好諗咁多活唔活得比你好,做自己就足夠。

3. 禮貎問候

「你好嗎?」呢句嘢好似點都走唔甩,簡單答自己「好好呀」、「唔錯呀 」,呢啲係一般禮儀,唔使詳述或解釋太多。致於「電聯啦!」嗰啲,唔使放上心,微笑回應就夠。

4. 隨時結束:

既然喺街撞到,大家都大條道理用趕時間嚟完結對話,唔使唔好意思!

特殊情況應付措施

如果佢同佢現任一齊

無論你諗起幾愛佢或幾憎佢,都係於事無補,都係保持禮貎同適當距離,唔使懶fd,亦唔好緊張,打個招呼就借「趕時間」遁啦!



如果你同你現任一齊

無論你對現任有幾proud都好,都係平常心啦,總之記得大方介紹你現任,如果本身已經拖住,淨係講名又得,如果無,介紹埋係男友又得;如果無介紹,之後你現任問起,你就有排煩喇!

LOAD MORE