少女粉色夢幻!百變小櫻華麗精緻彩妝品

by Alva edited by Karen C.


(Photo: Instagram @vvyokohama)

百變小櫻魔法神奇誰可阻擋~♪」,八、九十後女生必愛嘅卡通角色百變小櫻一月就再上映喇!小櫻今次回歸仲為各位帶來多款可愛又夢幻嘅彩妝品,好想全部集齊啊!

先嚟介紹最易儲成一套嘅指甲油先!呢套指甲油共有六色,除咗顏色少女之外,另一亮點就係蓋上嘅裝飾可以慢慢轉出嚟,再套喺其他指甲油上面!

 

魔法鎖匙裝飾嘅係粉紅色同紅色;基路仔嘅係黃色同橙色;而星之杖就係接近裸色嘅淡粉紅同粉紫色,每支售價為1,200円。

呢塊星之杖鏡實物好靚啊!正中間有大大粒淡黃色星星寶石,權杖位亦有閃閃水晶,拎出街用一定非常吸睛!售價為2,500円。


(Photo: Instagram @kid.o_)


(Photo: Instagram @mmmm_xz)

小櫻呢把梳帶點和風風格,加入粉紅櫻花,仲有靚靚小櫻套做保護,真係唔捨得用啊!售價為1,600円,完全係屬收藏品類!


(Photo: Instagram @vvyokohama)

兩款飾物架好華麗!總共可以掛上10隻耳環,更可以掛頸鏈、手鏈,又靚又實用!售價為1,944円。

今個秋季仲有小櫻手鏈新登場!手鏈上有四個吊飾,而全長約225mm,售價為2,700円,實物真係超吸引!啱哂平日喜愛粉色打扮嘅少女啦~


(Photo: Instagram @__rinchan)

百變小櫻彩妝系列仲推出咗兩款香味潤唇膏,粉紅色星之杖嘅係紅莓香味;而基路仔造型嘅就係玫瑰香味,小小嘅潤唇膏盒上仲附有小鏡子,好方便啊!售價為2,160円。

 

可愛嘅百變小櫻彩妝系列喺日本KiddyLand分店有售,如果大家都被燒到嘅話千其唔好錯過啊!

LOAD MORE