過一個浪漫聖誕!香港商場聖誕布置總覽

by HY

聖誕節就快到,為咗慶祝呢個大節日,香港四周都密鑼緊鼓佈置聖誕裝飾,過一個難忘又特別嘅聖誕。小編為大家搜羅聖誕節必去嘅地方,無論同伴侶或者閨蜜去,都係咁浪漫,咁有聖誕氣氛!

 

1. 鑽石山荷里活廣場 賤萌熊舞動聖誕

 

最近喺網上爆紅嘅賤萌熊,聖誕節要嚟香港同大家見面啦!喺鑽石山荷里活廣場將會有賤萌熊聖誕佈置,喺下列指定日期時間仲可以參加由賤萌熊親身教授嘅「賤萌熊共舞教室」,然後同賤萌熊Battle!另外,場內仲特設「賤萌熊合拍賀卡站」,同限定Pop-up Store。

日期:2017年11月25日至2018年1月1日
時間:中午12時至晚上9時
地點:鑽石山荷里活廣場一樓明星廣場

見面會

日期:20171125-26日、122-39-1016-1721-26
時間:下午4時至7
費用:全免

 

賤萌熊共舞教室

日期:20171125-26日、122-39-1016-1721-26
時間:下午12時半、1時、1時半、2時、2時半、3

 

賤萌熊合拍賀卡站

日期:20171125-26日、122-39-1016-1721-26
時間:下午1時至7
參加方法:憑場內商戶消費滿HK$50之即日單一機印發票,可即場排隊輪候到站內拍照,名額有限,先到先得。

 

賤萌舞Battle影片區

日期:20171125-26日、122-39-1016-1721-26
時間:下午1時至7
參加方法:憑場內一間商戶消費滿HK$100之即日單一機印發票,可即場排隊輪候參加,名額有限,先到先得。
備註:3個難度 (初級、中級、高級)

 

Pop-up Store

日期:20171125-26日、121-38-1015-26
時間:中午12時至晚上8



2. 中環置地廣場 聖誕小熊打造夢幻世界

 

 


聖誕節一向都係充滿童真同實現夢想嘅節日,置地廣場就有聖誕小熊陪你喺10個布景實現你嘅願望:「Dream Square」可以等小朋友分享聖誕願望和祝福;至於其他場景「Aqua Island」、「Great Fruit Garden」、「Recycle Depot」等都係同環保有關,打造一個更美好嘅世界。

 

3. 銅鑼灣時代廣場 Snoopy聖誕展覽


喺銅鑼灣,Snoopy會帶埋佢嘅朋友同大家見面,一齊過聖誕!時代廣場地面同二樓大堂有Snoopy展覽,可以見到著上機師裝嘅Snoopy。地面展覽廳仲有影相館可以同佢近距離接觸!

 

日期: 2017年11月21日至12月26日

時間: 上午10時至晚上10時

地點: 時代廣場地面及二樓大堂

 

影相館

日期: 2017年12月4日至29日

時間:上午10時至晚上10時

地點:時代廣場地面展覽廳

4. 新城市廣場-紅粉夢樂園


今個聖誕,沙田新城市廣場將會變成一遍粉紅!由11月26至1月14,「Rosy Christmas @ Starlight Garden 紅粉夢樂園」將會登陸商場7樓星光花園,樂園除咗有俾你許下聖誕願望,綻放無數願望球嘅「星光泡泡許願泉」,仲有迴旋木馬、旋轉摩天輪、花牆迷宮等7大仙境,無論同閨蜜一齊暢遊,十分浪漫!

另外,新城市廣場1期3樓拱形玻璃天幕廣場亦有「千禧粉紅聖誕後花園」,裡面有由多個女生潮牌合力打造高達8米高的粉紅樹屋,包括Cath Kidston、Franc Franc等,ESTÉE LAUDER Group旗下品牌亦會送出聖誕驚喜禮遇,將粉紅泡泡浴缸變成禮物池。

 

日期: 2017年11月26日至2018年1月14日

時間: 中午12時至晚上10時

地點: 新城市廣場一期七樓星光花園

 

5. 黃埔新天地Little Twin Stars

Little Twin Stars今年都會加入聖誕慶典,嚟到黃埔新天地同大家一齊共度聖誕,夢幻嘅布置有好多影相位,大家唔好錯過!



日期: 2017年11月下旬至2018年1月7日

時間: 早上10時至晚上10時

地點: 黃埔新天地時尚坊、聚寶坊、享膳坊、「黃埔號」

6. The ONE皇室堡鬆弛熊好友大聯盟

The ONE皇室堡就會有鬆弛熊,連同好友「小白熊」、「小雞」同「茶小熊」,打造聖誕派對:喺The ONE嘅熊仔兵團就起咗甜蜜小鎮,超人氣茶小熊會首度來港同大家見面,仲有以佢為主題嘅「閃爍森の川」: 魔法甜「心」眼鏡,體驗聖誕樹光影效果。另外仲可以同熊仔朋友影相添!

 

皇室堡嘅夢幻雪國就有 6大遊玩國度,例如全港首個商場室內迴旋滑梯、「夢幻飄雪水晶球」、聖誕樹小木屋等,令你置身喺白色聖誕樂園。兩個地方都有期間限定店,大家玩完影完相記住要去睇吓啦!

輕鬆小熊更會驚喜現身兩大商場,舉行「熊抱見面會」,Fans要留意以下日期時間啦!

The ONE「輕鬆小熊及茶小熊見面會」將於12月17日及24日(星期日)下午3時至3時20分(第一場)、下午3時40分至4時(第二場)及下午4時20分至4時40分(第三場)在The ONE UG2中庭舉行。即場「讚好」The ONE Facebook專頁及「追蹤」The ONE Instagram 或「關注」The ONE 微信,即可與Rilakkuma 輕鬆小熊及茶小熊合照乙張!

皇室堡「輕鬆小熊及小白熊見面會」將於12月16及23日(星期六)下午3時至3時20分(第一場)、下午3時40分至4時(第二場)及下午4時20分至4時40分(第三場)在皇室堡地下中庭舉行。顧客上載「皇室堡 x Rilakkuma輕鬆小熊 夢幻雪國」主題裝飾相片於個人Facebook及@皇室堡WindsorHouse或於個人Instagram及hashtag “#hkwindsorhouse”,即可與Rilakkuma 輕鬆小熊及小白熊合照乙張。


日期:2017年11月11日至2018年1月1日

地點:銅鑼灣皇室堡地下中庭;尖沙咀The ONE UG2 中庭、地下露天廣場及L2

7. 赤柱廣場-芬蘭聖誕市集

機票太貴、時間唔啱,去唔到芬蘭睇極光過聖誕?唔緊要,喺香港都可以體驗聖誕之旅!赤柱廣場12月就舉辦芬蘭聖誕市集,你可以置身「異國極光玻璃屋」、用VR睇極光、走入「芬蘭Jacuzzi拍照區」體驗芬蘭浴、仲有音樂舞台俾你喺音樂盒內盡情影相!市集仲會有80個攤位,售賣唔同特色美食。

日期:2017年12月9 - 10日及16 - 17日 (一連兩個星期六及星期日)

時間:下午12時至下午8時

地點:赤柱廣場天幕廣場

 

8. 大埔新達廣場My Sweet Piano甜品蜜會

至於大埔嘅新達廣場,就有My Sweet Piano同大家一齊食甜品!展場有一共4個區域:有載住棉花糖同士多啤梨嘅糖果籃作裝飾嘅杯子蛋糕造型聖誕樹;人面每個蛋糕都有紅色心心、向日葵以及聖誕樹點綴嘅蛋糕樂園;可以坐低食住甜品休息嘅咖啡廳。

My Sweet Piano化身做店長嘅餐廳。俾甜品圍住嘅聖誕,好幸福呀!


 

 


當然唔少得My Sweet Piano 期間限定甜品店啦,將會獨家推出朱古力馬卡龍、棉花糖銅鑼燒等六款限定甜品。閨蜜們留定肚去食啦!

日期: 2017年11月18日至2018年1月1日

時間: 中午12時至晚上10時

地點: 一樓展場

 

 

 

延伸閱讀 >>> 聖誕好去處!香港迪士尼不能錯過的5大夢幻位

延伸閱讀 >>> 愛麗絲同你一齊迎接聖誕!帝京酒店 Alice in Wonderland 自助晚餐+下午茶

LOAD MORE