超可愛飾物!布甸狗限定頸鍊

by HY

好得意呀!日本首飾品牌THE KISS,最近幫布甸狗出咗限定頸鍊,有心心、月亮兩種款式。每款頸鍊都會附送一隻超可愛嘅布甸狗公仔吊飾,同好姊妹一人一款,或者送俾另一半都十分適合!


月亮款式嘅布甸狗頸鍊採用日系風,成條頸鍊連埋布甸狗都係金色㗎!另外頸鍊嘅月亮圖案中加咗3粒小閃石,可愛又不失高貴氣質,好搶眼!

月亮款式嘅布甸狗公仔吊飾無論放喺枱或者掛喺手袋都好治癒。

 

 

 

心心款式比月亮款式多咗一份少女味。頸鍊顏色採用玫瑰金,同樣有閃石做配襯,不過心心款式就換上一整粒心形黃色晶透小石,戴上身成個人更加閃亮!另外布甸狗外型同心型頸鍊融為一體,設計十分有心思。兩款都咁靚,好難揀!

 

心心頸鍊款附送嘅布甸狗公仔掛飾,好適合用作男朋友聖誕禮物或紀念日禮物送俾另一半(當然好姊妹都送得啦!)。連埋精緻嘅禮盒,如果另一半或者好姊妹係布甸狗嘅粉絲,收到一定好開心!

 

 

呢兩款布甸狗頸鍊都係限定發售,有興趣就要預早喺日本Sanrio或THE KISS官網預購啦~

延伸閱讀 >>> Little Twin Star x Precious Moments 夢幻聖誕商場布置!

延伸閱讀 >>> 聖誕好去處!香港迪士尼不能錯過的5大夢幻位

LOAD MORE