feature

哈囉喂全日祭2018!海洋公園 X Sanrio「HELLO-ween 至萌」套餐

哈囉喂全日祭2018!海洋公園 X Sanrio「HELLO-ween 至萌」套餐

仲有一個月左右就到Halloween啦,諗好咗今年扮咩未呢?邊個話萬聖節一定要行恐怖style?其實可愛萌爆一樣無問題!海洋公園今年決定搞搞新意思,除咗有一如既往嘅超驚嚇鬼屋之外,仲會聯乘Sanrio推出一系列用萬聖節做主題嘅Sanrio卡通人物食品同精品,唔講咁多等我帶大家睇下啦!


「Sanrio characters哈囉喂全日祭套餐」

Hello Kitty、Kuromi、XO同梳乎蛋一齊化身哈囉喂造型出現係餐檯上面呀!!!呢個套餐係一個四道菜嘅套餐,包括前菜、湯、主菜同甜品,款款都非常kawaii呢!

 

前菜:脆怪 XO 與鬼怪森林

▲暗黑XO同你一齊過萬聖節!XO個頭原來係香脆餅乾,配埋喺後面托底嘅蟹餅,啖啖鮮甜味美!

湯:「蕃」轉梳乎蛋

▲懶洋洋嘅梳乎蛋化身成為法老王,瞓喺濃郁嘅甜椒蕃茄湯上面。

主菜:Hello Kitty 尋寶之旅 (二選一)

▲Hello Kitty 喺原個迷你南瓜上面尋寶!呢個南瓜原來內有玄機,除咗有飯同蔬菜之外,仲有泰國蝦、加拿大帶子同紐西蘭青口,真係好豐富呀!

 

主菜:Kuromi黑魔法哈「蝦」陣 (二選一)

▲呢個Kuromi骷髏頭其實係竹炭漢堡,入面嘅龍蝦肉配撘身材、蕃茄、青瓜同車打芝士,外脆內軟,正呀!

甜品:XO 墓碑探險

▲吸血彊屍造型嘅XO帶你進入神秘墓碑,墓碑其實係芝麻芭菲,而XO就係鬆脆牛油曲奇,配埋周邊嘅朱古力味餅乾碎同野莓,口感十分豐富!

價錢:每位HK$388(另設加一服務費)

供應地點:冰極餐廳

供應日期:2018年9月19日至11月4日

 

「Sanrio characters哈囉喂限定甜品」

除咗有萌爆套餐,又點少得少女心爆發嘅甜品?一眾Sanrio characters化身甜品,真係甜到入心呀!

 

梳乎蛋忌廉熱香餅

▲懶到爆嘅鬆梳乎蛋瞓喺鬆軟嘅熱香餅上面震吓震吓,加埋幼滑忌廉同新鮮水果,好sweet架呢!

Hello Kitty雪糕新地杯

▲Hello Kitty 加埋芒果、士多啤梨同朱克力雪糕,絕對係甜點首選!

Sanrio characters鮮忌廉脆筒

▲Hello Kitty、XO、同布甸狗嘅脆筒分別係雜莓朱古力、藍莓紫薯同芒果三種口味!

供應地點:水都餅店

供應日期:2018年9月19日至11月4日

仲有好多得意Sanrio食物等你嚟發掘!記住今年同埋閨密嚟海洋公園嘆Sanrio至萌食物啦!

LOAD MORE