feature

生日蛋糕推介2019!3間超夢幻香港網上蛋糕店,訂蛋糕必選

生日蛋糕推介2019!3間超夢幻香港網上蛋糕店,訂蛋糕必選

每次慶祝生日,都左搵右搵靚蛋糕?不妨考慮訂造返個獨一無二的生日蛋糕!其實而家好多香港網上蛋糕小店都超有水準,亦有唔少網上店累積一定熟客由網上轉為實體店,由內在蛋糕口味、到外在超夢幻嘅蛋糕造型,都極有水準,無論係生日、結婚或周年紀念等都咁啱!

by YC

今次就為大家介紹3間吸睛度極高蛋糕店,生日或開party都咁啱,睇見都想買返個比自己啊~

1. Perhaps A Cake

呢間店主打用瑞士式Buttercream,蛋糕款多又夠靚,適合百日宴、散水餅、回禮等等,仲設有workshop比人上堂學整!

店主表示近年流行「倒瀉雪糕」嘅蛋糕面裝飾,但又想做點唔同款,最後就整成呢個「撒花」款,仲專誠用上日本訂嘅食用花,睇得又食得,極美啊。

sweet tower係呢間小店另一吸引嘅甜品!而呢個細size sweet tower+蛋糕款真係超精美啊,表面固定咗多個pastel色mini cupcakes、瑪德蓮貝殼蛋糕同macarron,大小適合10-15人的小party,影相超吸睛~

除咗sweet tower,呢款粉色macarons tower都好靚!店主仲加埋真花,令整體造型更完美,適合放喺婚宴candy corner或BB百日宴,漸變色美炸了!

網上店:按此

2. SugarStorm Patisserie

呢間超夢幻星球蛋糕係今期最紅網店!標謗由五星級酒店經驗甜品師主理,質素、味道有保証,而店主更表示圓形蛋糕無論技巧、或是工序上既要求都比較高,所以見到呢個咁圓碌碌成個星球造型都已經加晒分!

最特別嘅地方係每個星球蛋糕都係獨一無二,因為你可以自選顔色、裝飾,蛋糕面係雲石紋糖皮,味道暫時有抹茶或朱古力兩款,中間係流心牛油蛋糕,店主話因為星球既地心都係「熔岩」,超有心思!

店主仲有做大型星球結婚蛋糕系列,除咗生日,喜歡星球又將要搞大型party嘅朋友不妨考慮吓!

網上店:按此

3. SHANSLATE Studio

Whisky雲石芝士磚係小店主打蛋糕!喺whisky cheese中間夾住whisky啫喱,每一口都充滿whisky香氣。

店主表示因為美劇「suits」而就去買Macallan whisky,雖然酒香滿滿麥味,但酒精濃度太高,酒量淺嘅店主就唔想浪費,嘗試倒入製作中嘅芝士蛋糕,竟發現芝士同whisky產生出奇妙化學作用,最後成果味道超正!所以呢個蛋糕除咗有靚靚雲石紋,仲有內涵㗎!

呢個超夢幻嘅雪糕蛋糕球,鏡面雲石紋超靚!唔解凍食就係芝士雪糕,解凍食就係芝士蛋糕,估唔到仲有兩種食法!

除咗whiskey味道,其實店裡仲有好啱少女們嘅香檳士多啤梨芝士蛋糕,比起濃烈嘅whiskey,香檳就帶有淡淡香氣,加埋甜甜士多啤梨粒粒,睇見都覺得好食!如果唔想揀酒味,仲有焦糖海鹽、宇治抹茶、榛子味道等等,非常多選擇。

網上店:按此

LOAD MORE