可以離開他了!男朋友做這些件事,就不值得再一起

可以離開他了!男朋友做這些件事,就不值得再一起

暴力,唔一定係知肢體上,精神上、語言上等等都係暴力嘅一種。之前有港女喺youtube拍片,話長期畀男朋友踩佢唔靚、唔夠人胸大,搞到冇晒自信走去整容、隆胸,依家終於覺醒,叫大家要愛自己多啲。

by 呂權

心理學家Sally Brown指出,情感虐待者會有意冇意咁做出監視、冷漠、鄙視、羞辱、不實指控等,令對方驚或者係痛苦嘅行動,等佢哋相信一切都係自己錯。以下3個情況,你有冇遇過?

1. 你覺得做乜都錯

長期處於情緒虐待嘅人,會經常感到內疚同慚愧,皆因每次「做錯嘢」,另一半都會將你之前「錯」過嘅事拎出講,無限LOOP,等你覺得自己一直都做錯嘢,啲嘢可以係好鎖粹嘅事。

2. 另一半成日嘲笑你

另一半會因為任何嘅事嘲笑你,而你知道佢唔係講笑咁簡單,係會持續因為唔同嘅事件笑你,即使你向佢表達你嘅唔開心,但佢依然唔會停止。嚴重嘅,仲會喺朋友面對笑你,當你開始嬲,佢反而會話你冇幽默感、唔玩得。

3. 另一半冇同理心

當你同另一半分享你唔開心嘅事、不滿嘅事,佢唔會安慰你,唔會覺得你慘,反而話係你自己太敏感、諗太多、無用,你遇到所有唔開心都係你自己嘅問題,係你嘅錯。如果你發現你正經歷以上3種情況,愛自己多啲,離開佢係唯一嘅選擇。

LOAD MORE