給29+1的女生!踏入30歲輕熟女的5個領悟

給29+1的女生!踏入30歲輕熟女的5個領悟

30哩個數字對於女仔嚟講,代表住一個好大嘅轉變。踏入「三字頭」,已經係社會上拼搏咗幾年,擺脫稚氣。經歷咗唔少嘅磨練,變得更加成熟,有女人味。無論你係即將要踏入30,或者已經成為輕熟女,都應該對以下五點好有感觸。

By COSMO

1. 最好的還需等待

領悟, 輕熟女, 女生要個知道

到咗30歲,可能仲係單身嘅你,身邊唔少朋友都已經結咗婚,生埋小朋友。你可能開始覺得自己都唔細,但仲未有合適嘅對象,就會多咗無形嘅壓力。

但要記住 The best is yet to come,唔好急住要同身邊嘅人比較,冇人知道屬於你嘅Mr. Right幾時先到。愛情嘅嘢急唔嚟,與其同人比較,不如專注喜愛嘅事業,或者搵多樣興趣發展,一個人都過得同樣充實。唔好再受年齡限制,急住將自己嫁出去,其實,剩女同盛女只係一線之差!

2. 守到第一桶金

輕熟女, 成功女性, 29+1

出咗嚟社會做嘢,開始有穩定嘅收入,但銀行個account並冇隨住時間增長。你係咪每個月份糧扣除衣食住行、娛樂、家用等等雜費後,都冇咩剩?但事後你諗返,好多洗費都係不必要嘅,好多支出可以慳到,慳慳埋埋就變成自己嘅第一桶金。

喺香港,養成儲蓄嘅習慣好重要,積少成多,賺到同時守到第一桶金,先係最聰明嘅女人!

3. 閨密越來越少

成日聽人講,人越大,知心朋友越少。呢句嘢係唔少人嘅心聲,返工有時忙到連休息嘅時間都唔夠,仲邊有時間去social,就連閨密都冇時間見。而大家亦開始有屬於自己嘅家庭、事業,要抽時間去維繫一段友誼真係唔簡單。好彩,當你唔開心個陣,都仲有當年嘅知己衝出嚟陪你,聽你呻。如果嗯呢刻你好掛住佢哋,唔好猶豫,快啲約佢食餐飯,聚下舊啦!

4. 識得珍惜

細個嗰陣唔識珍惜,成日希望快啲變大人,擺脫考試嘅壓力。但大個咗,先發現以前學生嘅年代先係最無憂無慮,最值得回味嘅。

雖然依家呢個年紀無論金錢,工作,人際關係都增加咗負擔,但係每個我哋經歷嘅階段都係獨一無二,過咗就唔會返轉頭。與其成日掛念從前,不如享受埋呢一刻。

5. 面對現實

相信每個女仔細個都會有好多夢想,例如開一間花店,或成為咖啡店的主人。但夢想始終係夢想,現實往往好殘酷,呢句由我哋爭大學學位到出嚟搵嘢做嘢就明,有時甚至要向現實低頭。我地冇能力去改變現實環境,但有時學識改變自己心態都好重要!

LOAD MORE