feature

男生心底小秘密!5件男生從不會跟女生說的事

男生心底小秘密!5件男生從不會跟女生說的事

以為只有女生先會口不對心或者收埋收埋唔講?當然不是!有冇諗過男生都會咁,有啲嘢甚至當了男朋友都不會說出口,可以話係男生內心小秘密。快啲了解呢5件事,助你完全解讀男生同男朋友!


1. 其實比較喜歡你素顏的樣子

男生心底小秘密!5件男生從不會跟女生說的事

女孩子覺得化妝係提升自信嘅方法,所以去約會前定必化返個靚妝甚至會重裝甲(假睫毛、紅唇、閃粉...)。但其實很多男生比較喜歡女生/女朋友淡妝甚至素顏,只要簡簡單單就好了。又不是要向其他人炫耀自己女朋友,你太濃妝抹艷相反有機會令另一半擔心。所以你會發現男生通稱GF-able嘅女生都係會有著一種鄰家女孩爛漫純樸嘅感覺。

2. 偶爾也會假裝高潮

男生心底小秘密!5件男生從不會跟女生說的事

女生要達到高潮十分難,所以經常聽到身邊姊妹話會假裝高潮,只為滿足男朋友。但其實男生也會假裝高潮或者誇大自己嘅感覺,只係次數無女生咁頻繁(話晒男仔要高潮容易咁多)所以千祈唔好以為得自己係好演員,話唔定你另一半都係。

 

3. 睇A片 ≠ 你滿足唔到佢

男生心底小秘密!5件男生從不會跟女生說的事

好多女生都好在意另一半會睇A片,甚至會諗「係唔係我唔夠吸引?」「係唔係我滿足唔到佢?」......其實男生睇A片都只係為咗發洩壓力,想打個靚J姐,就好似你都會煲韓劇啦,都會J朴寶劍、宋仲基同孔劉啦,所以女生們唔需要過份敏感,因為男生睇A片係一件好正常嘅事,唔需要過份緊張。

 

4. 希望有一點私人空間

男生心底小秘密!5件男生從不會跟女生說的事

喜歡你所以希望我的世界都有你,同女朋友一齊相處係開心,但如果分分秒秒都要見好似糖黐豆咁,有機會令男生感到壓力。無論係單身定係交往中,都需要私人空間去做啲自己想做嘅事情。所以無必要要求男朋友「兄弟VS女朋友」二揀一,你都會同閨密行街睇戲食飯影相,咁點解男友唔可以同一班兄弟打機、飲酒、打波呢?

 

5. 想得到你的讚賞

男生心底小秘密!5件男生從不會跟女生說的事

女生喜歡聽男生甜言蜜語,讚你話「你好靚」、「你好可愛」、「好似瘦咗喎!」......其實男生都鍾意聽,但開口叫你讚佢未免太尷尬了吧!所以記住喺適當時候賣口乖讚吓另一半,講一句「你好叻呀!」或者「今日好靚仔呀!」都唔係好難姐!

 

LOAD MORE