news

馮盈盈江嘉敏大鬥演技!觀眾:睇到超心酸好想喊

馮盈盈江嘉敏大鬥演技!觀眾:睇到超心酸好想喊

馮盈盈同江嘉敏一齊出演《果欄中的江湖大嫂》,之前幾集都令小狼女馮盈盈成為巴打嘅女神,大家都讚佢第一次拍劇做得唔錯,夠晒自然,好有驚喜!而最新嘅愛情線,江嘉敏同黃嘉樂嘅故事發展,都令人睇到咬牙切齒。最近一集,馮盈盈同江嘉敏就喺戲內大爆演技,一場喊戲就喊得好有層次,令人心酸,網友都大讚!

by anna

《果欄中的江湖大嫂》其中一集就講到小狼女哥哥黃嘉樂為咗改江嘉敏,而被大佬Kent用石頭不斷擊向頭部,最後喺江嘉敏懷中死去,江嘉敏喊至崩潰嘅演技,令人睇見都想喊。

望住自己嘅愛人死去,心情到底有幾難受,而江嘉敏就喊到眼淚、口水鼻涕都出晒嚟,勁入戲啊!

江嘉敏嘅演技不嬲都夠自然,今次喊到崩潰嘅戲份,亦都唔浮誇,情感好真摯,唔少網民都話睇到眼濕濕,差啲跟住一齊喊,讚江嘉敏做得不錯。

之後江嘉敏喺家中邊彈鋼琴,懷念黃嘉樂嘅,充滿感染力,又係一場超感動嘅演出!

而馮盈盈嘅演技都拍得住江嘉敏,佢喺認屍個幕都好入戲,面對最愛嘅哥哥過生,仲要認屍,馮盈盈喊到人心都痛,網友亦都有大讚馮盈盈:「做得好自然」、「好想跟住一齊喊」、「喊得好有層次」。

對於第一次演戲嘅馮盈盈嚟講,做到呢個level唔簡單,睇嚟都幾有演戲天份。雖然都有觀眾表示,覺得馮盈盈只係演到mk妹嘅角色,而次今次又有啲嘈,未係好做到內心戲,咁大家就不如一齊期待馮盈盈日後嘅演出啦!

LOAD MORE