news

《深宮計》周秀娜做第三者趕走胡定欣:「我是因為暗戀他所以接近他」

《深宮計》周秀娜做第三者趕走胡定欣:「我是因為暗戀他所以接近他」

大台劇《宮心計2深宮計》播到中段,劇情開始緊湊,但仲未見主角之一嘅周秀娜現身,原來佢要到第18集先會出場,就連娜姐自己都話好期待自己出場啊!喺《宮心計2深宮計》入面,馬浚偉(太子)同胡定欣(太子妃)嘅關係,一直都好甜蜜,但當周秀娜一出現,就完全令佢哋嘅關係起咗好大變化!

by anna

於劇中,胡定欣懷孕,卻意外滑胎,更造成永久嘅傷害而不孕。處處針對佢哋嘅陳煒就乘機安排周秀娜喺馬浚偉身邊,破壞胡定欣同馬浚偉嘅感情。

周秀娜性感登場,太子馬浚偉見到佢,緊係心動。

今次娜姐就要做第三者,去同朝定欣搶男人,問到娜姐用咩手段去搶贏,佢就話無用特別嘅手段,只係用愛去感動馬浚偉,因為娜姐暗戀馬浚偉,所以會想盡辦法接近佢,引佢注意,希望佢會望自己一眼。

著起古裝嘅娜姐有一份古典美,令人忍唔住望多幾眼啊!

到底娜姐係點樣喺胡定欣手上搶走馬浚偉?真係令人好期待劇情嘅發展。而馬浚偉亦都有劇透到:「嚟緊我會越嚟越重心計,我同定欣都會遇到好多打擊,感情線越嚟越澎湃,同埋仲有好多人物都仲未出現。」

大家真係要拭目以待,緊貼住佢哋嘅發展。

LOAD MORE