大小姐、送水輝爆笑扮《我的少女時代》,網友:「大小姐真係做得好好!」

大小姐、送水輝爆笑扮《我的少女時代》,網友:「大小姐真係做得好好!」

收視一直高企嘅處境劇《愛回家之開心速遞》得到唔少觀眾同網友支持,而劇中最搶鏡嘅一定係大小姐(林淑敏飾)同埋送水輝(許家傑飾)嘅愛情線,最近其中一集大小姐同送水輝仲爆笑地大演「初戀無限Feel」,被網民力讚係最好笑嘅一集!

By COSMO

第292集嘅《愛回家之開心速遞》,講到送水輝重故業陪名媛,而鍾意送水輝嘅大小姐就向送水輝提出,都想感受一次送水輝提供嘅「初戀套餐」,大玩《我的少女時代》,齊齊著上校服回到中學時,又一齊去玩滾軸溜冰,好爆笑!

大小姐扮純情學生妹,著上校服,紮起孖辮,造型完全係零違和感,加埋到位又自然嘅演技,獲得網民激讚!

而送水輝就扮演壞學生的牛頭角輝Dee,仲要去調戲大小姐,神情同故事都好爆笑,網友仲大讚呢對情侶:「大小姐好正呀! 同送水輝好有化學作用!」

網友都力撐大小姐,大讚佢做得好好睇:「今集真係睇到我笑到癲左!」、「大小姐越做越好,次次睇有你那-集的愛回家,都笑到拍枱」、「好想大小姐可以攞獎」。

送水輝亦都多謝大家嘅支持:「好多謝大家喜歡我同龍小蓮嘅大小姐的少女時代~我地會繼續比心機!」

真係希望大小姐同送水輝有情人終成眷屬啊!大小姐著婚紗都好靚啊!

LOAD MORE