news

《愛回家》大小姐、送水輝好揪心!完全道出暗戀心聲:「我到底期待什麼」

《愛回家》大小姐、送水輝好揪心!完全道出暗戀心聲:「我到底期待什麼」

《愛.回家之開心速遞》播咗三百多集,一直深得觀眾喜歡啊,而當中最搶鏡嘅一定係睇大小姐同送水輝嘅感情線,二人一齊大玩「初戀套餐」,之前嘅學生妹角色扮演,已經引嚟大家討論,最近大小姐同送水輝再有感情戲,今次更加揪心,睇到人心都痛,網友都好希望佢哋可以開花結果啊。

by anna

大小姐再次接受送水輝嘅初戀服務,一齊去拍拖掃街,就好似一對熱戀中嘅情侶咁,畫面好有愛!佢哋手拖手去散步,又一齊食豬大腸串,就算平時唔食豬大腸嘅大小姐,都硬著頭皮咬落去,可見愛情嘅魔力有幾勁,睇見佢哋嘅甜蜜互動,真係覺得佢哋好快就擦出愛火啦,點知⋯⋯

大小姐有日去探司徒夫人,見到送水輝同司徒夫人約會嘅片,就覺得,原來送水輝只係當自己係佢其中一位客人,「原來沒有,從來都沒有,纏綿邂逅,連場虛構」,個一刻大小姐完全心碎。就好似當女生們,發覺曖昧中嘅一切都係自己諗太多,而個位男仔原來對好多個女仔都係咁⋯⋯

司徒夫人講出「初戀套餐」嘅三個服務包括有「對你笑」、「拖手」、「送入口」。完全中晒送水輝對待大小姐嘅行為。

大小姐就覺得,呢一切都係一場交易,佢唔知道,原來送水輝一早鍾意咗自己,呢份心痛,就好似女生暗戀男生時嘅心情,既想行近,又怕接近。

送水輝其實一早就愛上大小姐,仲偷偷地買咗隻髮夾送俾大小姐,然後大小姐約送水輝去飲酒,但係喺送水輝嚟到前,大小姐已經飲醉咗,清醒後搵唔返送水輝送嘅髮夾,大小姐以為係自己發夢,仲講咗句超揪心嘅說話:「到底我期待什麼」。

「到底我期待什麼」完全道出暗戀別人時嘅心聲,我哋期待對方會行前多一步,我哋期待對方會主動搵自己,我哋期待同對方有好嘅結果,但係後來一切都落後,個份失望同心碎,大小姐完全表達到出嚟,難怪大家都大讚佢哋做得好好啊,好揪心啊!

醒來後,大小姐忍痛地面對送水輝,收藏起內心個份喜歡,對住送水輝時嘅態度,180度轉變,變回「客人」,送水輝感受到大小姐嘅冷淡態度後,神情變得失落又心痛,睇到人好想喊啊!

睇完呢一集,大家都覺得好虐心啊:「睇到真係眼濕濕」、「好心酸」、「大小姐做咗咁多次主動,今次應該要輪到送水輝做主動啦」,真係好希望佢哋可以一齊啊!

LOAD MORE