超有緣份的一對!強強用這5招收服岑麗香

岑麗香同老公強強Joushua由結婚到而家都非常甜蜜,香香不時喺訪問中都大讚老公,又會分享同老公嘅甜蜜事,真係好閃架!而原來佢哋係喺相睇活動上認識架,仲一拍即合,好有緣份!

by Anna

索爆人妻香香咁靚,理應好多人追,但佢卻鍾情強強一人,婚後仲事事以老公為先,咩事都會同老公商量好,真係命中注定嘅一對。

相睇認識到相愛

香香同強強嘅認識,都好似電視劇咁咁浪漫。佢哋係透過「Blind Date」而認識嘅,因為香香想由零去認識一個人,咁佢朋友就去安排喇,咁岩同一個圈子有幾個朋友都想介紹強強俾香香識,就係咁開始咗「Blind Date」。

二人剛開始嘅時候,只係用msg、電話去溝通,完全唔知對方嘅樣貌、背景,就係咁傾下傾下,傾出愛火花。香香好相信,一切都係緣份。佢哋拍拖一年多就結婚,到而家就快一年喇。

最好嘅朋友

由拍拖到結婚,香香同強強嘅感情都好好,「我覺得最幸福係佢係我嘅好朋友。」香香成日都同朋友講,老公係佢嘅好朋友,有咩事都會同佢分享,二人嘅價值觀仲好相似,所以一齊嘅時候真係好舒服自在。

香香仲講過,老公就好似佢嘅好姊妹,無所不談。

100%支持

對於香香嘅工作,強強係100%全力支持架,仲放棄晒加拿大嘅工作、朋友,嚟香港定居,為嘅就係想香香可以放心追尋佢嘅演員夢,呢份支持令香香覺得好感動。

跟得老公

香香婚後依然不忘工作,一口氣接拍多套劇集,包括有《果欄中的江湖大嫂》、《溏心風暴3》等,一開劇就忙到屋企人都係時間見,但係強強並無怨言,反而超貼心嘅照顧香香。

以行動支持太太,又做柴可夫司機,接太太開工收工,又會跟埋飛去外地拍攝,陪實太太,真係名符其實嘅愛妻號。

御用攝影師

香香鍾意周圍去,強強就充當佢嘅御用攝影師,拍下好多女神相,香香都大讚佢影得好靚。

LOAD MORE