吳尊首曬太太合照!一家四口情人節自拍放閃

吳尊首曬太太合照!一家四口情人節自拍放閃

唔少情侶喺情人節都不停放閃,就連平時低調嘅吳尊,都post出同太太嘅自拍照,大曬幸福,唔少網民都話吳尊一家四口嘅顏值都好高啊!

by Anna

早前吳尊帶埋仔女一齊拍攝《爸爸去哪兒5》而爆紅,大家都超喜歡乖巧嘅Nei Nei同Max,太太林麗瑩之前都有參與過拍攝,但就全程帶住口罩,今次終於公開樣貌,唔少網民都讚佢好有氣質啊!

來到情人節,吳尊選擇公開多謝太太一直嘅支持,太sweet了!「知道大家都很好奇...好啦...我們就大大方方吧!今天我們第22年一起過情人節,她就是我背後辛苦的拍檔,感恩大家一直以來的祝福,祝大家也要幸福快樂。」

吳尊太太樣貌首次曝光,一家四口嘅家庭照好幸福呢,囡囡同媽媽有幾分似喔。

《爸爸去哪兒5》就已經睇到佢哋一家人感情好好,吳尊亦都好錫對仔女。

去年林麗瑩獲邀上綜藝節目《爸爸去哪兒》,都戴上口罩,樣貌充滿神秘感。

仔女都好乖巧,吳尊就話太太教導有方。

吳尊同林麗瑩早就喺16歲時認識,後來吳尊去澳洲留學,因太思念家人同女朋友,就放棄學業回去汶萊,之後隱婚生子,一齊咗22年,感情一直都咁好!

囡囡Nei Nei越大越生性,係好乖嘅小女孩,似足媽媽咁賢淑。

網友們都大讚吳太有氣質、皮膚超好,唔知吳尊會唔會多多放閃呢。

兩父子一齊浸浴,相信係太太拍下嘅照片!

LOAD MORE