news

有上進心的男人很吸引!林子善全年無休,現擁2層樓4冰室

有上進心的男人很吸引!林子善全年無休,現擁2層樓4冰室

35歲嘅林子善早幾日迎娶圈外女友Kary,廣結朋友嘅子善仲筵開63席請晒好友去飲,認真厲害。由《喜劇之王》,到令佢入屋嘅《奸人堅》,林子善入行多年,一直都勤力又敬業,無父蔭,又唔係富二代,捱到今日嘅成績真係好叻仔!

by anna

林子善重情重義,所以好多朋友都好錫佢,而佢亦為咗屋企人同當時嘅女朋友,即而家嘅老婆,全年無休地工作,試過打三份工,一日唔會用多過$200,努力賺錢去改善生活。

林子善仲未成功之前,曾經因為害怕,會拖累女朋友,怕俾唔到好嘅生活佢而諗過同佢分開:「我不想拖累她,我跟她分手了,希望她能找到個更好的。」

後來林子善同女友復合,而且更努力地工作,將儲起嘅錢用作投資,喺2012年,就於大坑開咗龍鳳冰室,呢位老闆仲時時親力親為,冰室生意上晒軌道,仲開咗3間分店。

林子善坦言自己拍劇收入唔多,唯有慳多啲同埋做多幾份工,有時會去打碟做DJ,又會落舖頭幫手,仲考埋健身教練牌,為日後嘅路準備好,如果有一日唔再做演員,都仲有野可以做。

林子善無咩放假,咁落力地工作,都係希望可以孝順父母,所以林子善一儲夠錢,就買咗一層三層高嘅村屋俾父母,想佢哋住得舒服啲,真係好乖仔。

佢就話:「我一日唔會消費超過$200,一個月最多用$6000,我一個月正常賺2萬多,還要做DJ打碟去儲錢,基本上係全年無休不停做,先有錢去供樓。」

結婚後嘅子善亦無即刻去旅行渡蜜月,反而立即開工宣傳新劇,嚟緊仲要拍埋套網絡大電影,真係好勤力,咁有上進心嘅男人,真係好吸引啊!

平時無野做,又唔想使錢,佢就會去做gym,都係一個唔錯嘅消遺活動。

超錫老婆嘅子善都希望好快可以生bb:「其實我哋而家都仲係租緊樓,想生活條件好啲先生小朋友,到時我都想老婆唔好咁辛苦,你知啦做Sales成日要企,到時想請個工人照顧小朋友。」

LOAD MORE