閨密遊影靚相!陳瀅、劉佩玥去俄國大影女神相

閨密遊影靚相!陳瀅、劉佩玥去俄國大影女神相

陳瀅同劉佩玥係感情好好嘅閨密,最近佢哋就齊齊去咗俄羅斯拍節目《3日2夜》,兩位女神不停大影靚相,女生們可以參考一下,然後同閨密去旅行時就影餐飽啦!

By COSMO

劉佩玥同陳瀅於2015年一齊拍《四個女仔三個BAR》後,就越嚟越老友,劉佩玥仲成日公開叫陳瀅做「老婆」,今次可以一齊去旅行,又滑雪、周圍去,真係夠晒開心!

照片仲好唯美,閨密去旅行時可以夾下Dress code,再瘋狂地影一萬張靚相!

一齊著上華麗嘅晚裝,好似公主咁啊!

去到旅程嘅尾聲,劉佩玥仲PO出感性文:「感謝妳 在我的生命裏,陪我吵 陪我鬧 陪我哭 陪我笑,手牽手的 繼續向前行,融化淚 分享美 緊握夢 抱著愛」,超sweet!

陳瀅後來仲喺俄國莫斯科機場直播落妝,唔怕以「真面目」見粉絲,認真厲害啊!片中所見,陳瀅最初全妝上鏡,跟住將頭髮紮起,再拎出紙巾抹走個妝。

之後陳瀅完成落妝後,就塗上面霜,令塊面油令令,唔少網友都話嚇親,不過女神天生麗質,素顏完全無問題啦!

LOAD MORE