news

真的戀愛了?《漂亮姐姐》丁海寅霸氣拖實孫藝珍放閃

真的戀愛了?《漂亮姐姐》丁海寅霸氣拖實孫藝珍放閃

韓劇《經常請吃飯的漂亮姐姐》喺韓國熱播,男主角丁海寅同孫藝珍大談姊弟戀,甜到漏嘅互動,令網民睇到好肉緊,大家都愛上的呢位帥氣又體貼嘅弟弟丁海寅,同時亦好睇好呢對Couple,希望佢哋可以開花結果啊!

by anna

其實《經常請吃飯的漂亮姐姐》嘅劇本靈感,就係嚟自宋仲基同宋慧喬Couple架,原來「雙宋Couple」喺拍拖前,宋慧喬就曾經多次請宋仲基食飯,最後二人吃出愛火花,好似童話故事咁幸福,所以令人更加期望丁海寅同孫藝珍都可以戲假情真。

早前韓國就舉辦「第54屆百想藝術大賞」,有韓國金球獎之稱嘅頒獎禮,吸引到一眾韓國藝人盛裝出席,而當中就以丁海寅同孫藝珍最引人注目!佢哋一出場就引來粉絲們尖叫,曖昧嘅互動更加令人心跳加速啊!

這一幕完全係「我眼中只有你」,丁海寅眼中流露的愛,太甜蜜了吧,充滿粉紅泡泡嘅曖昧。

兩人甜蜜合照後,原本牽著手臂嘅孫藝珍,卻被丁海寅霸氣地拖著手,再十指緊扣地走下紅毯,現場粉絲看到,完全失聲尖叫!

進入回場仲不停自拍留念,臉貼臉地影相好sweet啊!

孫藝珍今年36歲,1999年出道嘅,美貌咁多年都無變,完全無姊姊嘅感覺,咁靚女難怪丁海寅對佢照顧有加啦。

而丁海寅今年就30歲,被譽為新一代男神,接拍多套劇集而成為國民暖男,人氣好高啊!

《經常請吃飯的漂亮姐姐》真係好好睇,好希望佢哋可以成為真正嘅情侶啦。

LOAD MORE