男朋友好忙?4招幫你哋維繫感情

男朋友好忙?4招幫你哋維繫感情

雖然話專心工作中嘅男人係最型,但太埋首事業、無晒時間,你又擔心佢無時間陪你,感情變淡,其實都唔係無計去維繫嘅,最緊要係雙方都有心嘅啫。

by juju

1. 定期約會:

人越忙就越有必要做好時間管理,不妨同佢夾定每星期某一日為見面日,盡量避免取消,除非真係好緊急。

2. 唔嘥時間:

難得見到面,就唔好俾其他嘢分心,影響二人世界,例如夾定熄咗電話聲、唔講公事,將精神集中放喺點樣開開心心咁過上面。兩個人一齊過得開心,就自然會珍惜。

3. 正面鼓勵:

喺無見面嘅日子,都要保持溝通同關心,咁又唔使狂煲電話粥嘅,日中一兩個窩心message,俾佢知你遇到咩人同事(盡量簡潔)、一兩句笑話等等,就已經足夠。

4. 過好自己:

如果你發現自己太多時候上fb消磨時間、望住電話唔知做乜,咁可能係你未夠善待自己。

外面有好多有趣嘅事等你去發掘,應該放多啲心思喺自己身上,諗下有咩一直想學想玩又未去做、有邊個成日想見又好耐無見。就趁呢個機會pamper下自己(世事無絕對,你點知第日會唔會係你忙到無時間陪佢?!)

LOAD MORE