feature

經期時想愛愛,衝紅燈前你要知的5件事!

經期時想愛愛,衝紅燈前你要知的5件事!

經期嚟時係咪完全唔可以愛愛?要愛愛的話,又有咩要注意呢?

by juju

呢回事好睇個人,有啲人覺得都OK,有啲人覺得完全no way,最緊要係知道有咩利弊,加以衡量先決定衝定唔衝。

風險管理...

懷孕風險:唔好覺得經期嚟就等如零懷孕機會,雖然係離開排卵期幾日,但如果經期唔準、排卵期又亂咗少少(呢啲你控制唔到),都係有懷孕機會架。

感染風險:安全性行為幾時都係最重要嘅,就算經期嚟,都仍然有性疾病傳染嘅風險,所以一定要戴安全套做。亦有講法係經期時,陰道嘅pH值會同平時有所唔同,可能會增加酵母菌肆虐、尿道炎出現嘅機會,所以衛生同安全功夫要做足。

好處喺...

唔使潤滑劑:呢段時期內,陰道本身應該已提供足夠嘅潤滑作用,如果都係要用潤滑劑,用水性嘅比較穩陣,無咁易傷到安全套。

性趣濃:有女生覺得喺經期嚟之前一兩日或經期嚟時自己特別「鹹濕」 ,可能係因為荷爾蒙水平改變而變得比較敏感,特別有感覺。只要另一半覺得無問題,想喺呢段時間做也未嘗不可。

舒緩經期症候群:愉快嘅性滿足可以製造快樂荷爾蒙,所以有個講法係喺經期時做,有助紓緩情緒、減輕痛楚,如果唔抗拒,一試無妨,或者試下喺經期嚟前幾日做,唔知會唔會有助舒緩經前症候群?

LOAD MORE