M前又攰又燥!4個紓緩谷M的方法

M前又攰又燥!4個紓緩谷M的方法

唔少女生每月嚟M都有谷M嘅煩惱,有時由M嚟前7至10日已經開始,都咪話唔辛苦,希望今次呢啲小單方幫到你,祝M安好!

by Juju

腹脹點嚟?你會唔舒服,覺得自己好似重咗,或者個肚皮好似大咗咁,雖然M嚟完就會恢復正常,但或多或少都影響自信!其實谷M會腹脹,係因為荷爾蒙黃體激素(progesterone)同雌激素(estrogen)水平改變所引起,亦有資料指出,女生喺經期初身體會比較「儲水」 ,肚感覺就更脹嘞。

1. 減少吸收盬份:

盬裏面嘅鈉(sodium)會幫身體保住啲水份,食少啲有助減輕水腫情況。喺屋企煮食就落少啲盬,出去食就盡量走豉油。

2. 多吸收鉀(potassium):

鉀可以降低鈉嘅水平,利尿,含豐富鉀質嘅食物包括深色葉植物(例如菠菜)、香蕉、牛油果、蕃茄、蕃薯,呢啲都係唔少女生鍾意嘅食材!

3. 吸收天然利尿劑:

水腫係令人周身唔舒服嘅,不妨多食呢帶利尿效果嘅天然食物,包括:菠蘿、桃、青瓜、蘆筍 、薑。不過凡事唔好過量,身體點都要有足夠水份先至平衡架!

4. 適量運動:

有良好運動習慣對身體有益唔使多講啦!要求唔多,一星期做適量帶氧運動2.5個鐘都唔錯架喇!加油呀!

LOAD MORE