editing

毋忘前度,係男人嘅天性?

毋忘前度,係男人嘅天性?

張愛玲曾經寫過:「也許每一個男子全都有過這樣的兩個女人,至少兩個。娶了紅玫瑰,久而久之,紅的變了牆上的一抹蚊子血,白的還是『床前明月光』;娶了白玫瑰,白的便是衣服上沾的一粒飯黏子,紅的卻是心口上一顆硃砂痣。」


毋忘前度,係男人嘅天性?

無論你願唔願意接受都好,喺每個男人心底裡面,相信永遠都藏住一個舊情人。每個人之所以能夠成為一個好伴侶,好大程度都歸功於上一任情人嘅經歷;為咗填補每一段遺憾,男人隨時間努力改變,只不過當男人改善自己之後,原本嘅身旁人已經離開,留待一個新情人去迎接一個更好嘅自己。

並唔係每一個犯過嘅錯誤,都可以用新嘅愛情去填補;曾經嘅痛楚唔會永遠消失,只係等待一個時機蓄勢待發。有人話,男人永遠有兩個情敵,一個係佢阿媽,一個係前度女友。

毋忘前度,係男人嘅天性?

無論佢阿媽點煩都好,理論上你男朋友應該未至於會變態到會愛上自己阿媽,所以暫且不作討論。不過,前女友嘅回憶,對男人嘅講就永遠都抹唔去。之前有人做過網上調查,訪問男人一般點睇前女友:結果發現超過一半嘅男人會對現任隱瞞前女友嘅歷史,甚至會暗暗同前女友保持聯絡。

 

毋忘前度,係男人嘅天性?

科學研究指出,男人走出情傷所需要嘅時間一段都比女人長,有啲人可能一輩子都走唔出情傷;換句話講,男人對舊愛嘅情意結極大機會比你想像中強得多。甚至,佢而家對住你做嘅每一項關心行為,都可能係彌補緊當初同前女友留低嘅遺憾。當然,即使佢心裡面偶爾會諗起前女友,亦唔代表佢唔愛而家嘅你;只不過係當回憶要湧出來嘅時候,就連佢自己都控制唔住。

 

毋忘前度,係男人嘅天性?

另一方面在心理學角度而言,人類都有一種「未完成情意結」,意思係指人會相對容易忘記一啲已完成、有結果嘅事情;反而對住未完成、無故中斷嘅事件會常常銘記於心,若有所思。例如你正正常常睇完一本書,過咗冇耐就可能忘記故事內容;如果你睇到高潮部份突然唔見咗本書,就會成日心掛掛想搵返嚟睇、幻想結局會如何發展。

記憶係構成一個「人」嘅主要因素,無論記住抑或忘記前度,實情亦冇對錯之分。最大嘅錯,就係可惜我哋都係人類。

 

LOAD MORE