feature

《復仇者聯盟3》男神集合!雷神是帥氣好爸爸,Ironman佬味濃

《復仇者聯盟3》男神集合!雷神是帥氣好爸爸,Ironman佬味濃

近日完全被《復仇者聯盟3:無限之戰》洗版啊,Avengers輕輕鬆鬆就成為了香港嘅票房第一,女生們入場欣賞時更係睇到流晒口水,人物角色都同漫畫原著好接近,仲要位位男角都係顏值極高,睇到人哋個心臟怦怦跳,原來男神們現實中都一樣好型仔,唔怪得有咁多fans支持Marvel啦!

by anna

男神大集合,一套戲可以結集咁多位型英帥嘅男星,真係唔簡單,雷神、Ironman、美國隊長、doctor strange、Spiderman,仲有洛基,大家又最鍾意邊個呢?

雷神Thor - Chris Hemsworth

睇完今集Avengers,大家都不約而同地大讚雷神真係好charm!!!Thor係超級英雄中戰鬥能力最強嘅其中一位,個性正義又樂於助人,加埋佢成身肌肉,真係好鬼正啊!

曾經被《People》選為全球最性感嘅澳洲男星Chris,真係魅力沒法檔。

私底下嘅雷神好鍾意做運動,喺佢IG上經常見到佢滑浪嘅片段。佢之前為咗演好雷神呢個角色,仲唔怕辛苦地加操,一個星期操足六日,都咪話唔攰啊。

Chris除咗成日做運動,現實中佢仲係一個好爸爸,好老公,見佢抱住囡囡,一副萬事足嘅模樣,就知道佢幾錫佢嘅屋企人,真係100分暖男!

鐵甲奇俠Ironman - Robert Downey Jr

曾因吸毒而入獄嘅Robert Downey Jr. 今年53歲,因為Marvel嘅Ironman一角,而改變咗佢嘅一生,Robert同戲中Tony Stark嘅形象、性格,可以話係完美結合啦,由佢演釋Ironman真係最好不過!

現實中嘅Robert都好似一個大阿哥咁,唔少超級英雄演員都表示,Robert喺片場中,輕易就將演員同工作人員凝聚埋一齊,佢有時仲會為大家喺片場準備大餐,真係好有霸氣。

美國隊長 Captain America - Chris Evans

要數顏值同埋粉絲量,美國隊長一定係MCU中嘅頭三位,Chris於2007年,被選為飾演超級英雄片《神奇4俠:銀魔現身》中嘅主角之一霹靂火,去到2011年,Chris就成為Marvel嘅美國隊長,知名度大增!

爆肌將直升機拉返埋嚟嘅呢一幕,真係太叫人印象深刻喇。雖然今集美國隊長嘅戲份唔多,但係都足夠叫女粉絲們為佢瘋狂。

可惜嘅係,美國隊長將於佢第10部Marvel電影《復仇者聯盟4》之後,就會卸任美國隊長一角,佢計劃將轉戰舞台劇,粉絲們會好唔捨得架。

蜘蛛俠 Spiderman - Tom Holland

Tom仲係一位好錫小動物嘅男生,加分加分!

Tom嘅「床照」,大家小心流鼻血!

洛基Loki - Tom Hiddleston

被喻為最靚仔同最出色嘅反派,洛基Loki嘅出場,每次都令女粉絲表示心心眼,點解可以咁靚仔,真係好charm!而原來Loki除咗有樣,仲好有內涵,佢擁有高學歷,曾入讀劍橋大學,讀大學時,就係修讀古典文學,再之後考入皇家戲劇藝術學,仲精通英語、法語、西班牙語、意大利語、古希臘語同埋德語,認真厲害!

37歲嘅Tom Hiddleston帶有亦剛亦柔嘅外表,憂鬱嘅氣質令佢成為唔少人心中嘅男神。

Doctor Strange - Benedict Cumberbatch

Doctor Strange係一位天才型腦神經外科醫生,由好有氣質嘅英國男星Benedict Cumberbatch飾演,真係好合適!

私底下嘅Benedict Cumberbatch有一份反差萌,好喜歡古靈精怪,仲成日表情多多,引得同場演員大笑,呢份親切嘅個性,令佢擁有好多粉絲同朋友,而佢仲係出咗名嘅愛妻號,超錫老婆嘅佢成日同太太周圍去,不停放閃,愛妻嘅男人完美啊!

LOAD MORE