你值得擁有更好!賤男3個拍拖行為

愛情面前,平時幾聰明幾醒目嘅女仔,都有機會變得戇居同盲目,而睇唔到你眼前依個人其實係個賤人。

by 王俞

如果你男朋友有齊以下呢3個跡象,唔好諗咁多,係傷得更深前快啲放手,飛咗佢!

1. 問多佢一句都嫌煩

如果你男朋友從來唔會主動講自己喺邊,你問多佢一句都嫌你煩,覺得你管住佢,經常唔知佢去咗邊。咁就代表佢完全唔肯為依段關係付出,唔着緊依段關係,更重要嘅係,佢根本唔着緊你呀!

2. 唔欣賞你嘅付出

當你好努力咁為男朋友炮製小驚喜,去接佢放工、煮嘢畀佢食等等,但係佢一啲都唔欣賞,甚至嫌你煩,依種人唔值得你為佢花時間同心機。你就要記住,你唔係佢阿媽,唔係老奉要對佢好。

3. 繼續同人曖昧

已經拍緊拖,但佢仍然玩交友app、對女仔口花花、同人保持曖昧關係,就證明佢唔係想像中咁鍾意你,或者根本唔鍾意你,因為佢唔止唔顧你嘅感受,仲根本唔怕失去你。
歌都有唱,「一段關係梗有佢完嘅時候」,分手唔可怕,唔自愛先最可怕。愛自己多啲,早日飛咗個賤男吧喇!

LOAD MORE