想增強戰鬥力就不要再做!破壞性生活嘅5個小習慣

想增強戰鬥力就不要再做!破壞性生活嘅5個小習慣

現代人生活越嚟越複雜,有好多嘢都影響到我哋情緒、做事嘅動力,仲會喺不知不覺間影響埋性趣。

by juju

呢5個習慣會影響愛愛生活架,大家親密時要注意了!

1. 勉強做

「對方想,自己唔想,就下佢,做囉…」 呢種情況好常見,但係勉強遷就得多,好容易會將「享受」 變成「責任」 、「應付」 ,久而久之就會失去咗個樂趣。如果真係好無mood,坦白同對方講,好過求其了事,等你真係想要時先做,大家都會更加享受。

2. 唔鍛鍊身體

愛愛都需要唔少體力嘅,如果長年累月一滴運動都唔做,喺床上你好快會覺得攰,甚至做做下腳抽筋、扭親!所以如果想性生活維持美滿,大家都要養成運動好習慣。

3. 次次都一模一樣

你唔會餐餐食同一樣嘢,咁愛愛都無可能長年累月一模一樣,當然每對情侶都有佢哋最愛嘅pose,但久唔久轉下款式,先保持到新鮮感。

4. 飲太多

飲少少酒係會令人放鬆啲,但係飲多咗呢,就會影響床上表現,即係佢掂你時,你啲感覺會無平時咁敏銳,減低咗個樂趣;有時甚至乎做做下瞓著咗添(嘔就更turn off啦)!

5. 著核突睡衣

有時著得最殘嗰件睡衣係最舒服嘅,但係晚晚都著到霉dum dur,係好turn off嘅事,久唔久著返件新嘅、靚嘅,咁你伴侶就會知道你仲覺得自己好sexy,同埋準備好同佢親密親密啦!

LOAD MORE