editing

由下一個戀人變為下一位前度......

由下一個戀人變為下一位前度......

話說由《矛盾一生》開始,筆者已經好留意林家謙呢個作曲人。一來係佢嘅曲風比較優美,有好多鋼琴、弦樂嘅元素;二來係佢同筆者年紀相近,五官端正得嚟又有幾分文青Feel,講真如果我係Gay嘅話,應該會日日J佢J到精盡人亡。Anyway,其實今次唔係想講林家謙呢個人,而係想講佢第一首由自己演唱派台嘅歌 — 《下一位前度》。


由下一個戀人變為下一位前度......

呢首歌未睇歌詞,淨係睇林夕起嘅歌名,已經覺得好有追看性。人生流流長,拍多幾次拖之後,慢慢你唔再係嗰個成日充滿幻想,覺得一旦遇到傳說中白馬王子就可以做少奶奶、以後過住無憂無慮日子嘅無知少女。即使經歷幾次錯愛,你依然能夠無畏地付出真心,但你心底裡亦知道,世界上冇一個伴侶可以保證同你走到最尾。所以每一次準備相愛,可能同時都要做好下一次分手嘅心理準備;由下一個戀人,變為下一位前度。

由下一個戀人變為下一位前度......

「不會得到最愛,最多只有更愛。
這麼反覆比較繼續重複到未來,才明白愛情是我和自己的競賽。」
戀愛係一輩子嘅課題,無聊你係拍拖定結婚(其實我覺得分別唔大,只不過就係一張紙,仲有分身家嘅問題。重點係要睇你個人成唔成熟),每一段嘅關係都係交緊學費。想要結束一段關係,最大嘅原因,無非都係想搵到一個更適合嘅人,談一場更轟烈嘅戀愛。

由下一個戀人變為下一位前度......

但我哋好多時候反而忘記咗,要享受一段愛情,唔止係要搵到一個適合嘅人,更重要係自己識得打開心扉去愛人。如果自己都唔盡情去愛,就算畀你搵到真命天子,緣份最後亦只會從手指隙縫中流走,到時你又喊打喊殺話要繼續搵更好嘅男人,到頭來根本就係多舊魚。

由下一個戀人變為下一位前度......

「未結識到你,竟已先鼓起捨得的勇氣、放下的志氣;不想找到你就像前度再一起」
拍拖拍得多,換句話講亦即係分手分得多。愛情裡面,最忌就係麻木;麻木會令關係僵化,所有事情都冇辦法再激起你內心嘅波瀾。麻木以後,每一個伴侶嘅樣貌、體溫、互動,對你嚟講都彷彿再冇分別。

由下一個戀人變為下一位前度......

就算上星期親吻完A君,今個星期同B君喺床上依偎,下星期都已經煙消雲散。世上最令人害怕嘅唔係心傷,而係哀莫大於心死。
「彷彿怕麻木便老得很快。
不想哭笑純熟得這麼快。」

LOAD MORE