2.減壓
除咗鎮痛之外，抱抱仲可以減壓！每日只需要擁抱30秒，就能夠消除每天累積壓力嘅三分之二。除咗對成年人減壓有效之外，對小朋友都一樣有用！多喺嬰兒時期擁抱你嘅孩子，更加有助佢喺長大後對抗壓力！
3.提升免疫力
抱多啲仲會病少啲！因為擁抱時身體會釋放出更多免疫系統巨噬細胞，對於抵抗由病毒引起嘅疾病超有幫助！免疫系統強咗，咁自然病少咗啦！
4.降血壓
抱抱時身體會自然釋放欣快素，令人有幸福嘅感覺。除此之外，皮膚仲會向大腦迷走神經區發信號，迷走神經區其中一個大用途就係降低血壓，所以抱多啲壓力都少啲添！
5.抗衰老
有冇諗過抱抱仲可以抗衰老？尤其是係愛愛之後，研究指出如果能來個6分鐘擁抱效果會更佳，快樂和滿足程度都會提升！
所以記住所有事情都要抱緊處理，有壓力要抱抱、唔開心要抱抱，就算得閒無事做都記住要抱抱身邊嘅人，一於抱實唔准放！
