2. 買嘢俾對方
有時行街經過見到有啲嘢好適合對方，就會問都唔洗問自把自為買比佢，除咗係佢嘅好閨密你都係佢嘅part-time阿媽！
3. 素顏見面
返工約會要化妝，但係見閨密就可以做返最真嘅自己！約閨密食飯絕對可以戴眼鏡素顏，因為對方已經見過哂你最真最唔見得人嘅一面，都無乜型象可言，素顏都冇有怕！
4. 你負責整 我負責食
無論係韓燒定打邊爐，佢都會幫你整好啲嘢食，幫你燒肉同漉食物，你就坐定定負責食，有時仲窩心到幫你剝埋蝦殼，真係細心過男朋友。
5. 見過佢飲醉酒嘅醜態
做得閨密又點會未見過對方飲醉酒，甚至佢飲醉酒醜態百出你都會見過，更會周不時攞出嚟笑佢，但係呢啲都一定係你兩個美好嘅回憶！
6. 化妝品交換用
啲人話閨密會越來越似樣，可能係因為咁，就連粉底到唇膏，成個化妝袋都可以交換用。有時一齊化妝share化妝袋其實都幾sweet架！
7. 你喊 我陪你喊
兩個人嘅情緒就好似相互牽動咁，每次見到你喊我都會忍唔住喊埋一份，見到你傷心我都會傷心。明明係諗住安慰你，但點知都係忍唔住喊咗。
8. 神同步
好多時明明冇夾過都會同步咗，講咗同一句嘢，諗咗同一個話題，買咗同一樣嘢，好似心有靈犀咁，究竟你係唔係知道我諗咩？
