news

Kenny上載Boy'z十五年前寫真:「有人曾經瘦過!」,網民大讚Kenny超靚仔

Kenny上載Boy'z十五年前寫真:「有人曾經瘦過!」,網民大讚Kenny超靚仔

早前Kenny(關智斌)同Steven(張致恒)出現張敬軒演唱會擔任嘉賓,引嚟全場叫聲不停,Boy'z合體大唱經典歌《死性不改》,令觀眾聽得如痴如醉,大呼:「係回憶啊!」後嚟Kenny仲喺IG上載Boy'z 15年前嘅寫真,青澀又帥氣嘅造型引嚟粉絲哄動,有網民更大讚Kenny超靚仔,咁多年都無變!

by anna

呢本15年前嘅寫真真係好有收藏價值啊,想當年Kenny同Steven成功擄獲唔少少女心架。

Kenny突然上載Boy'z嘅寫真集:「多謝你們最近也不停勾起我的回憶,所以突然想到從書櫃深處找回這一本寫真集... #笑到我呢 #當年點解會有勇氣咁做 #兩個排骨仔 #有人係曾經瘦過 #當年係男子寫真銷量第一 #因為係唯一一本 #好人好姐邊個會去影呀 #雄風pose加埋個咀一定要搵啲野哎」

於03年推出嘅《Boy'z 2gether 王子版》寫真,真係風靡萬千少女,當年Boy'z嘅歌都係深入民心,朋友間仲一定會揀過鍾意Kenny定Steven多啲,兩個都充滿陽光氣息,令唔少少女們心心眼。

不過睇返15年前嘅造型,真係令人眼都突啊。花襯衫、魚網衫,令Kenny都忍唔住笑出聲。

相反Kenny就愈嚟愈型仔,近年努力操肌嘅佢身材fit到漏,加上留埋鬚,散發出濃濃嘅男人味,網民對Kenny而家嘅造型都大讚:「好靚仔啊」、「愈來愈帥」、「心動了啦」

Boy'z真係我哋嘅青春回憶啊,一定要約埋朋友一齊去支持佢哋個演唱會!

LOAD MORE