editing

分手,才是殘酷的開始

分手,才是殘酷的開始

今日想分享一個女仔朋友嘅真人真事,關於「再一次失戀」嘅故事。本著一顆幫朋友好好記下回憶嘅心,所以想寫得正經啲。第一次失戀,係女仔同男仔講分手嘅一刻,佢哋將彼此嘅手鬆開;再一次失戀,係女仔得知男仔計劃結婚,即將永遠失去人生中最重要嘅人。


分手,才是殘酷的開始

女仔生於普通家庭,有一對普通嘅父母;算唔上富有,但不愁衣食。女仔相貌娟好、成績中上而且不乏追求者,但女仔一直無動於衷。因為佢已經遇上人生中最重要嘅人。男仔家庭背景顯赫,父母均於著名企業身居要職、財力雄厚。男仔外型同樣不俗,出入有私家車接送,讀書成續更屬天才級別:會考輕鬆拔尖、大學長居Dean List (歷史小知識:以前會考如果考到6科A,以及中英文獲得C或以上成績,可跳過高考直接進入大學),身邊更少不了狂蜂浪蝶。

 

分手,才是殘酷的開始

「十七歲仲夏,你吻我的那個夜晚;讓我往後的時光,每當有感嘆總想起當天的星光。」

中學嘅最後一年,女仔偶然喺Joint School活動認識到男仔。女仔一進門,望見負責喺Reception幫同學點名嘅男仔:斯文有禮,擁有一種不凡嘅優雅氣質。點名同時,男仔亦被女仔深深吸引,暗暗地記低咗佢嘅名字。

 

分手,才是殘酷的開始

兩人旋即墮入愛河。由於男仔拔尖,早一年已開始修讀著名學府嘅神科;同時間,女仔拎住中規中距嘅高考成績,正苦苦為選科煩惱。為求同男仔有多啲時間相見,女仔決心揀咗同一間院校,但未必適合自己嘅科目。

 

分手,才是殘酷的開始

校園時期嘅愛情永遠最快樂:冇金錢階級考慮、冇分身份地位,一切都源於自然流露嘅愛。臨近畢業,男仔作為絕世荀盤,身邊總圍住一堆虎虎眈視嘅女Fans;男仔嘅父母亦開始帶公子認識社會名流,識多啲「門當戶對」嘅異性朋友。女仔深知男仔已萌生去意,勉強落去都唔捱得長久;經過一夜詳談,終於為多年嘅緣份畫上句號。

 

分手,才是殘酷的開始

分手以後,女仔搵到一份唔錯嘅工作,雖然遠遠追唔上男仔嘅層次,但總算有能力過自己想要嘅生活。快樂背後,女仔卻暗中注視男仔嘅一切:想知佢最近有咩女朋友、試咗邊度嘅美食、去咗邊度旅行。

「現在我有了幸福、有人照顧應該知足,你不像他從不讓我哭;

可是愛有時善良、有時殘酷,我要如何愛他像愛你那樣義無反顧?」

 

分手,才是殘酷的開始

每次到鬧市,都希望繞過曾經一齊行走嘅街道,但又想無意中巧遇對方。今後每一個新男友、每一次旅行、每一次打卡,並唔係為咗放閃或向人炫耀,而係希望男仔有那麼一絲機會,見到自己嘅「美好生活」。一切一切嘅行動,無非都只想證明畀男仔睇:「就算我冇咗你,其實生活都算不錯,我會努力拉近大家嘅距離,等我。」

 

分手,才是殘酷的開始

但無論人類幾努力,殘酷嘅時間總會流逝,起跑線而帶來嘅差異只會越來越大。女仔從朋友口中得知,男仔已經準備同拍拖兩年嘅新女友拉埋天窗;生命中嘅支柱即將永遠失去,存在仲有咩意義?

「你的起點,也許是我永遠到不了的終點。」

人生最怕唔係搵唔到意義,而係當自己搵到意義之後,卻深知永遠冇可能追得到佢。

 

LOAD MORE