feature

愈嚟愈易為小事爭執係分手警號?4個分手跡象你要知!

愈嚟愈易為小事爭執係分手警號?4個分手跡象你要知!

情侶間無可能永遠處於熱戀期,一齊耐咗就會漸漸由熱戀期步入穩定期,以往嘅激情亦都會磨滅。當二人愛情變成習慣,同時激情亦逐漸遞減,就好容易步入感情倦怠期同緊張期,隨時面臨分手危機!其實又點會無啦啦分手呀,每件事情發生其實都有跡可尋,快啲睇吓呢6個分手跡象,避免心痛嘅事情發生吧!

by COSMO

分手跡象一:避免花時間同你相處

愈嚟愈易為小事爭執係分手警號?4個分手跡象你要知!

雖然大家各有各忙,無可能糖黐豆日日見,但如果緊張你絕對唔會將你放到最後。加上如果一路以嚟你都係佢嘅優先項目(雖然未必係第一),但如果突然間,佢變得唔再好似以前咁著緊,你就要多加留意。究竟係有新/更刺激事物填滿咗佢嘅項目清單,定係你哋之間出現咗問題令佢唔再將你放喺優先位?

 

分手跡象二:避免談未來

愈嚟愈易為小事爭執係分手警號?4個分手跡象你要知!

情侶一齊得耐都必定會談未來,例如dream house係點、幾時同居結婚,第時養咩寵物。多多少少都必定會談及,但如果你發現對方開始避免談及任何有關未來嘅話題,你就可能要多加留意。有機會係代表佢意識到佢嘅未來未必有你,又或者係佢唔敢對呢段感情抱有太大希望,再唔係有機會係佢暗地裏已經同其他人建立咗新嘅未來。

 

分手跡象三:開始漠不關心

愈嚟愈易為小事爭執係分手警號?4個分手跡象你要知!

你嘅角色愈嚟愈可有可無,對佢嘅呵護備至同關心問候都得唔到回應。就算你唔搵佢,佢都開始唔會再搵返你,二人嘅對話變得多數都係你主動同你講哂,而對方對乜都開始無所謂。重點係佢以前一路都唔係咁,一齊嘅時間愈耐,二人嘅距離愈走愈遠。

 

分手跡象四:容易為小事爭執

愈嚟愈易為小事爭執係分手警號?4個分手跡象你要知!

情侶間爭執在所難免,但如果爭執次數愈嚟愈頻繁,加上爭執嘅原因大都因為雞毛蒜皮嘅事嘅話,你就要多加留意。好多時呢個情況出現,係因為其中一方開始撩交嗌,亦放棄忍讓同理解另一方,先會導致爭執次數上升,原因都愈嚟愈無理。

 

LOAD MORE