news

陳家樂含淚分手,余香凝疑偷食出軌:「我們因為性格不合已分開一個月」

陳家樂含淚分手,余香凝疑偷食出軌:「我們因為性格不合已分開一個月」

陳家樂(Carlos)被記者追問同余香凝分手一事,已哽咽眼濕濕,後來仲爆出前女友余香凝極速戀上保險男,全城網民都替陳家樂覺得唔抵,因為陳家樂向來都好疼錫女朋友,拍拖三年都對女友照顧有加,今次余香凝被爆上保險男高層屋企過夜,令陳家樂傷透心。

by anna

拍拖多年,陳家樂經常放閃,佢亦多次喺訪問中都提到有意迎娶余香凝,仲不時放甜蜜合照,當大家都以為佢哋感情好好,會一直走落去,最後結局令大家都跌晒眼鏡。

陳家樂真係一位暖男男友,向來上進又努力工作嘅佢,正在努力儲錢,就係為要5年內娶到女友,可惜最後分手收場。

原來佢哋因為港台劇《總有出頭天》合作時一吻定情,拍拖多年一直都甜甜蜜蜜,不時公開放閃,陳家樂亦經常出面支持女友,幫手宣傳女友嘅工作,好疼錫女友。

當有網民攻擊余香凝,話佢借男友上位,陳家樂都會出面保護女友,親自回覆反駁,man爆。

上年年中,陳家樂揸車接Jennifer收工時,被人從後撞上石壆,當時坐喺副駕駛座嘅Jennifer更被撞至鼻⻣爆裂,令陳家樂好擔心亦好內疚,仲承諾會照顧女友一生一世,由個日起佢就更加珍惜Jennifer,可惜最後都不敵「性格不合」而分開。

女友被爆出出軌,家樂後來到旺角拍戲,問到佢心情有無好啲時,佢就雙眼通紅咁話唔想回應太多,相信今次嘅分開真係好傷。佢仲話Jennifer係佢最好嘅朋友,佢令自己成長咗好多,會好好祝福佢。

問到余香凝同家樂分手一事,佢就話佢哋一齊咗幾年,總會有啲位意見不合,冇辦法去達成一個共識,所以選擇分開。保險先生係佢嘅好朋友,最近因為要合作搞生意,所以先去佢屋企過夜傾通宵。Jennifer續說自己係一個好獨女嘅女仔,絕對唔係報道所講嘅拜金同貪名牌。

LOAD MORE