香港童星Elkie莊錠欣CLC推新歌《BLACK DRESS》,網友大讚好正!

香港童星Elkie莊錠欣CLC推新歌《BLACK DRESS》,網友大讚好正!

香港童星莊錠欣Elkie曾在TVB當了結年嘅童星,出演過《On Call 36小時II》、《老表你好hea!》等劇集,後來2015年參加4Minute經紀公司CUBE舉辦嘅試鏡,成功入圍成為練習生,於2016年加入CLC出道,最近CLC就回歸KPOP樂壇,推出新歌《BLACK DRESS》,被網民大讚Elkie越嚟越靚!

by anna

當年Elkie出演《On Call 36小時II》,馬國明就好睇好呢位小妹妹,「因為佢好乖,好怕醜但係好努力咁學唱歌同跳舞。」而家Elkie喺韓國成為CLC嘅主唱,真係唔簡單啊!

由Elkie莊錠欣、恩彬、睿恩、Sorn、丞延、有真同承姬組成嘅CLC,喺2017年以甜美女生形象示人,而今年就一改形象,轉行華麗性感路線,令人眼前一亮啊!原來師姐泫雅都有份為佢哋嘅造型操刀,唔怪得咁有型!

而當中最亮眼嘅就係香港女生Elkie,原來Elkie喺韓國有「翻版Krystal」之稱。岩岩出道時,表現機會唔多,但後來喺《No Oh Oh》、《努力》,同今次《BLACK DRESS》嘅出色唱功同舞功,令韓國網民印象深刻啊!

型女造型好襯Elkie,仲越大越靚女添。

喺新歌中Elkie繼續擔當主唱位置,副歌都是她在領唱,有個性嘅魅力成為焦點啊,舞台感十足!

跳舞時魅力爆發嘅Elkie(中)迷倒唔少粉絲啊!

原來最近Elkie仲接拍咗MBC電視劇《富家子弟》,所以佢要一邊打歌,一邊拍劇,忙碌嘅生活卻令Elkie學習更加多,而佢亦曾經透露過自己好想拍韓劇,今次有機會完夢,所以Elkie更加努力。

Elkie喺新劇《富家之子》中會飾演到韓國留學嘅中國人,大家都好期待佢嘅演出啊!

LOAD MORE