《富家公子》開播!TVB童星莊錠欣Elkie首拍韓劇:「每日只瞓幾個鐘」

《富家公子》開播!TVB童星莊錠欣Elkie首拍韓劇:「每日只瞓幾個鐘」

香港童星莊錠欣Elkie過咗去韓國出道,組成女團CLC,最近首新歌 《Black Dress》成績都不錯,仲成功打入美國Billboard世界專輯榜嘅第7位,莊錠欣真係好叻女啊!而莊錠欣Elkie首次出演嘅韓劇《富家公子》亦都已經開播啦,一班粉絲都好期待莊錠欣嘅演出。

by anna

喺香港曾有豐富演劇集經驗嘅莊錠欣Elkie,今次喺《富家公子》新劇中就飾演飾演金英荷弟弟金明夏(金旻奎飾)嘅朋友同大學同學,係一名去韓國讀書嘅中國留學生,名叫夢夢。

早前《富家公子》就公開咗預告片,當中都見到Elkie嘅身影。片中見到Elkie戴住耳機坐喺金旻奎旁邊,一邊聽歌一邊手舞足蹈,點知唔小心整到枱上嘅酒杯,仲倒晒落金旻奎身上,飾演中國留學生嘅Elkie就好驚訝咁用中文同金旻奎講:「不是我啊⋯杯子」仲錯誤地用平語同金旻奎講:「不是」,聽到金旻奎眼都突,場面搞笑。

唔知佢兩個嚟緊會唔會有愛情線呢,而Elkie嘅演技都好自然,更加期待佢哋嘅互動啊!

Elkie就曾經講過,佢嘅夢想係希望有一日可以參演韓劇,因為佢好鍾意睇韓劇,今次能夠實現夢想,Elkie都花好大嘅努力去演出。

出演韓劇嘅同時,Elkie仲要兼顧新歌發布嘅宣傳,所以連佢自己都話,生活真係忙到自己好似「Superman」,每日嘅行程都好緊密,有時都覺得好辛苦,不過做到自己喜歡嘅事又會覺得好滿足。

要拍劇、背對白、又要唱歌練舞,Elkie好緊張自己嘅表現,所以好大壓力,要努力做好拍劇加唱歌,Elkie唯有遲瞓早起,所以佢幾忙都會早啲起身做運動,Keep住完美嘅Body。

Elkie話每日都瞓得好少,因為想把握時間練習,真係一個好勤力嘅女生啊,我哋一定會支持Elkie架!

LOAD MORE