男友有無第三者?偷食男的5大行為

男友有無第三者?偷食男的5大行為

有啲男人就係鍾意刺激,又抵受唔住寂寞,總係要暪住女朋友,去偷食。成世人流流長,雖然係會遇上幾個渣男,但係女生們都要帶眼識人,如果佢有偷食嘅跡象,咁就要諗諗計喇。

by anna

以下5種偷食跡象,快啲睇下自己有冇身同感受啦!

偷食跡象1:會突然消失幾個鐘

偷食男就係會偷偷地去見小三,但係有咩時間最岩?應該就係lunch time又或者放工之後喇。

佢哋見面嘅時間唔長,但係偷食男喺個段時間一定唔接電話,亦都唔覆msg,人間蒸發幾個鐘,問佢去咗邊又支支吾吾,咁大概估到係咩事啦。

偷食跡象2:電話一定跟身

對於偷食男,電話仲緊要過個銀包,緊係啦,電話係同小三聯絡嘅重要證物,所有「犯罪紀錄」都喺晒入面,假如佢電話一定會跟身,去邊都唔放低,連沖涼都拎埋入廁所,咁就真係好大可疑。

又或者喺你面前,佢好少拎個電話出嚟,因為佢怕小三突然搵佢,然後俾你睇到。

偷食跡象3:對你忽冷忽熱

如果佢突然間對你好冷淡,興趣大減,又成日唔會主動搵你,咁佢好有可能有新對象,所以對你就冷冷淡淡,因為佢無咩精神同時間去維繫同你嘅感情。

又如果佢對你突然變得好熱情,可能係佢內心好內疚,想彌補你,衰啲嘅渣男就有可能係想同你上床。

偷食跡象4:記憶錯亂講錯野

一腳踏兩船其實都好考記性架,呢個女朋友鍾意食咩,嗰嗰女朋友又有咩興趣,一個時空交錯兼鬼拍後尾枕,就會講錯野。例如話上次去個間餐廳都幾好味,但其實無同你去過,又或者記唔到你哋之前講過咩、做過咩。

偷食跡象5:成日話好忙

男人看重工作我明白,但如果佢真係忙到無晒同你相處嘅時間,咁好有可能佢唔係淨係忙住工作。

打工仔OT好平常,但如果佢星期一至五晚都話要開工、要應酬、要同朋友食飯、要準備第二日返工嘅野,藉口多多總係無時間見你,就連星期六、日都唔得閒陪你,咁原因都呼之欲出啦。

LOAD MORE