feature

男生嚴選女生10個最可愛行為!令男生有戀愛的感覺

男生嚴選女生10個最可愛行為!令男生有戀愛的感覺

成日話男女大不同,女仔可能會覺得女仔面紅或者露齒笑好可愛,但究竟男仔覺得女仔做啲咩先可愛呢?有日本網站就針對呢個topic進行分析調查,然後公佈咗「男性心目中女性最可愛的10個行為」,各位姊妹快啲參考吓學吓野!

by COSMO

第10位 起床時揉眼睛

男生嚴選女生10個最可愛行為!令男生有戀愛的感覺

原來女仔一瞓醒覺揉眼睛嘅動作都可以令男生心動,更加有唔少男生認為係可愛。因為揉眼睛呢個動作令唔少人聯想起貓貓,貓貓喺瞓醒嘅時候都經常揉眼睛, 萌萌嘅動作好有治癒嘅感覺。

第9位 打噴嚏時發出「哈啾」聲

男生嚴選女生10個最可愛行為!令男生有戀愛的感覺

雖然好多時好靜嘅時侯打乞嚏會覺得好尷尬,但都有一部份嘅男仔覺得女仔喺打乞嚏嘅時候發出嘅「哈啾」聲好得意!

 

第八位 小跑步

男生嚴選女生10個最可愛行為!令男生有戀愛的感覺

女孩子緊張時候嘅小跑步原來男仔都覺得好可愛。幾時會出現小跑步呢?好多時喺約會嘅時候遲到,女生都會好緊張怕對方要等自己好耐,見面嘅時候都不免會因為緊張而小跑步,其實男仔都覺得好可愛!

第七位 凍嘅時候從手袖伸出一半嘅手

男生嚴選女生10個最可愛行為!令男生有戀愛的感覺

天氣好凍嘅時候,女仔都好鍾意淨係露一半嘅手出嚟,原來男仔都覺得好可愛,會好想捉住你隻手保暖。

 

第六位 面紅

男生嚴選女生10個最可愛行為!令男生有戀愛的感覺

呢個相信大家都唔陌生,就連女仔都會覺得女仔面紅好可愛,尤其係怕醜嘅時候面紅,真係會好想搣吓佢面珠墩!

第五位 食得痛快

男生嚴選女生10個最可愛行為!令男生有戀愛的感覺

好多女仔都會因為顧形象所以同男仔約會時扮細食,但原來女仔食得痛快時滿足嘅樣都係可愛行為嘅一種。當然唔係叫你狼吞虎嚥啦,但唔駛就住就住嘅!

 

第四位 主動拖男朋友隻手

男生嚴選女生10個最可愛行為!令男生有戀愛的感覺

男仔覺得呢個係相當sweet嘅表現,會令佢哋有怦然心動嘅感覺!

 

第三位 離別時傷心寂寞嘅樣

男生嚴選女生10個最可愛行為!令男生有戀愛的感覺

約會之後離別總是不捨!當兩個人準備各自返屋企嘅時候,如果女孩子露出一個不捨寂寞嘅樣,男仔都會覺得好可愛!

 

第二位 一見面就露出開心嘅樣

男生嚴選女生10個最可愛行為!令男生有戀愛的感覺

發至內心嘅開心笑係男仔覺得最窩心可愛嘅笑臉。就算你遲到都好,見到呢個咁sweet嘅樣都嬲唔落啦!

 

第一位 拉扯男仔嘅衫角

男生嚴選女生10個最可愛行為!令男生有戀愛的感覺

男仔表示當女仔輕輕拉扯佢哋嘅衫角嘅時候會好有小鳥依人嘅感覺,令男生覺得自己可以保護心愛嘅女仔,激發起佢哋無窮無盡嘅保護慾。

 

LOAD MORE