第9位 打噴嚏時發出「哈啾」聲
雖然好多時好靜嘅時侯打乞嚏會覺得好尷尬，但都有一部份嘅男仔覺得女仔喺打乞嚏嘅時候發出嘅「哈啾」聲好得意！
第八位 小跑步
女孩子緊張時候嘅小跑步原來男仔都覺得好可愛。幾時會出現小跑步呢？好多時喺約會嘅時候遲到，女生都會好緊張怕對方要等自己好耐，見面嘅時候都不免會因為緊張而小跑步，其實男仔都覺得好可愛！
第七位 凍嘅時候從手袖伸出一半嘅手
天氣好凍嘅時候，女仔都好鍾意淨係露一半嘅手出嚟，原來男仔都覺得好可愛，會好想捉住你隻手保暖。
第六位 面紅
呢個相信大家都唔陌生，就連女仔都會覺得女仔面紅好可愛，尤其係怕醜嘅時候面紅，真係會好想搣吓佢面珠墩！
第五位 食得痛快
好多女仔都會因為顧形象所以同男仔約會時扮細食，但原來女仔食得痛快時滿足嘅樣都係可愛行為嘅一種。當然唔係叫你狼吞虎嚥啦，但唔駛就住就住嘅！
第四位 主動拖男朋友隻手
男仔覺得呢個係相當sweet嘅表現，會令佢哋有怦然心動嘅感覺！
第三位 離別時傷心寂寞嘅樣
約會之後離別總是不捨！當兩個人準備各自返屋企嘅時候，如果女孩子露出一個不捨寂寞嘅樣，男仔都會覺得好可愛！
第二位 一見面就露出開心嘅樣
發至內心嘅開心笑係男仔覺得最窩心可愛嘅笑臉。就算你遲到都好，見到呢個咁sweet嘅樣都嬲唔落啦！
第一位 拉扯男仔嘅衫角
男仔表示當女仔輕輕拉扯佢哋嘅衫角嘅時候會好有小鳥依人嘅感覺，令男生覺得自己可以保護心愛嘅女仔，激發起佢哋無窮無盡嘅保護慾。
