editing

放膽去愛VS勇敢放手 究竟邊樣難啲?

放膽去愛VS勇敢放手 究竟邊樣難啲?

蘇永康嘅《那誰沒有下次》裡面,卓韻芝有一段獨白:「其實呢,『放膽去愛』係好犀利,你知唔知道點解呢個世界咁悶?因為十居其九都係『肯學就識』嘅事。『放膽去愛』唔同,『放膽去愛』係學唔嚟㗎,唔係人人得㗎,而你竟­­然識啊!愛都識咯,學埋放手囉。」


放膽去愛VS勇敢放手 究竟邊樣難啲?

雖然成日都話,聽故唔好駁故,但每次聽完呢段獨白,我都隱約覺得怪怪地。首先我唔認同十居其九都係『肯學就識』嘅事,因為我有好多嘢學極都唔識(Well可能係我廢啦......)。然後就係,「愛」同「放膽去愛」係兩個層次嘅事,應該分開討論。而最後嘅「放手」,唔係話冇可能,但簡直就係魔王等級嘅難度。

放膽去愛VS勇敢放手 究竟邊樣難啲?

愛人好簡單,你可以間中偷望隔離Team男同事、可以做小毒毒每晚J一J女神先入眠,反正都無需負責任,長賣長有。之所以需要放膽去愛,係因為有障礙要跨越、開始牽涉責任。可能係家庭、工作、經濟因素,更可能係因為對方對自己冇興趣,但自己又想努力改變現狀。因為現實裡有太多令人卻步嘅因素,令放膽去愛更顯難得、更顯珍貴。

放膽去愛VS勇敢放手 究竟邊樣難啲?

點解話「放手」係最困難?因為放手需要面對嘅挑戰,並唔係可量度嘅客觀因素,最大嘅難關正正就係自己。屋企唔畀你拍拖,可以偷偷見面;經濟因素拍唔到拖,唯有努力工作;暗戀對象對你冇興趣,就算你最終打動唔到佢,起碼你都放膽愛過。

放膽去愛VS勇敢放手 究竟邊樣難啲?

但當你需要放手,你冇辦法努力呃自己唔再鐘意佢、冇辦法因為唔見面就唔諗佢,更冇所謂嘅勇氣可以俾你「鼓起」去放手。就算成為世界上最叻嘅故事高手,呃得到全世界嘅人,但始終呃唔到自己。有啲嘢你口頭上可以否認,但身體好誠實;痛就係痛,不如放膽面對佢啦?

LOAD MORE